سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين قازاقستانعا Starlink جابدىعىنىڭ العاشقى پارتياسى جەتكىزىلگەنىن مالىمدەدى.
ونىڭ ايتۋىنشا، ازىرگە ەلگە Starlink قوندىرعىسىنىڭ 500 داناسى اكەلىنگەن.
الماتىعا جابدىقتى قابىلداۋ بارىسىن ارنايى تەكسەرۋ ءۇشىن كەلدىم. كەلەسى اپتادا تۇركىستان، اقمولا وبلىستارىنداعى Starlink ورناتۋعا تولىق دايىن مەكتەپتەرگە جابدىقتاردى جەتكىزۋ باستالادى. اتالعان وبلىستاردىڭ اكىمدىكتەرى بارلىق دايىندىق جۇمىسىن جاقسى جۇرگىزدى. قالعان وڭىرلەرگە 10 كۇننەن كەيىن كەلەتىن كەلەسى كەزەكتە جەتكىزىلەدى، – دەپ جازدى باعدات مۋسين.
سونداي-اق مينيستر ەندىگى 20 كۇن ىشىندە بارلىعى 2 مىڭ جيناق كەلەتىنىن العا تارتىپ وتىر. ولار ەلدەگى 2 مىڭ شالعايداعى اۋىل مەكتەبىن جوعارى جىلدامدىقتى ينتەرنەتپەن قامتاماسىز ەتۋ ءۇشىن قولدانىلماق.