اكادەميك بوكەتوۆ اتىنداعى قاراعاندى ۋنيۆەرسيتەتىنىڭ راديوفيزيكا جانە ەلەكترونيكا كافەدراسىنىڭ قاۋىمداستىرىلعان پروفەسسورى – دميتريي افاناسيەۆ 2023 جىلدىڭ قورىتىندىسى بويىنشا جوعارى وقۋ ورنىنىڭ ۇزدىك وقىتۋشىسى اتاندى، دەپ حابارلايدى almaty-akshamy.kz
ونىڭ عىلىمي-پەداگوگيكالىق قىزمەتى ەلەكترونيكانى، زاماناۋي اپپاراتتىق جانە باعدارلامالىق قامتىلىمدى قولدانبالى پايدالانۋمەن، سونداي-اق عىلىمي جوبالاردى جۇزەگە اسىرۋمەن بايلانىستى.
ءبىر وقۋ-ادىستەمەلىك قۇرالى جانە Web of Science جانە Scopus دەرەكتەر بازاسىنا ەنگىزىلگەن عىلىمي جۋرنالداردا 20-دان استام جاريالانىمدارى بار. سوڭعى ءۇش جىلداعى عىلىمي قىزمەتىنىڭ ناتيجەلەرىنە سۇيەنە وتىرىپ، ول مونوگرافيا جازۋدى جوسپارلاپ وتىر.
«2023 جىلى قاراعاندى بوكەتوۆ ۋنيۆەرسيتەتى قارجىلاندىرعان «دىبىستىق اقپاراتتى جاڭعىرتۋعا ارنالعان ميكروكونتروللەرلىك قۇرىلعىلار» جوباسى اياسىندا ءبىز فاكۋلتەت ستۋدەنتتەرىمەن بىرلەسە وتىرىپ، 23 ميكروكونتروللەر قۇرىلعىسىن شىعاردىق. ءبىزدىڭ جاعدايدا بۇل مۋزىكالىق شىعارمالار»، - دەيدى دميتريي افاناسيەۆ.
بۇل قۇرىلعىلار ۋنيۆەرسيتەتتىڭ مۋزىكالىق اللەياسىندا ورنالاسقان ورىندىقتارعا ورناتىلدى. ادام ءبىر جارىم مەتر قاشىقتىقتا بولعان كەزدە داچيك اۆتوماتتى تۇردە ىسكە قوسىلادى.
ونىڭ ايتۋىنشا، فاكۋلتەتتەگى عىلىمي-زەرتتەۋ زەرتحاناسىنىڭ ارقاسىندا ستۋدەنتتەر قۇرىلعىنى قۇراستىرىپ قانا قويماي، ونى جاساپ، سىناقتان وتكىزۋگە مۇمكىندىك الدى.
«مەن ءبىزدىڭ كافەدرانىڭ دامىپ كەلە جاتقانىنا وتە قۋانىشتىمىن. تاجىريبەلى جانە جاس قىزمەتكەرلەرگە ريزامىن. بيىلعى جىلى ارىپتەستەرىممەن بىرگە «جوعارى وقۋ ورنىنىڭ ۇزدىك وقىتۋشىسى» كونكۋرسىنىڭ جەڭىمپازى اتانعانىمىزعا دا قۋانىشتىمىن. بۇل ۇلكەن جەتىستىك»، - دەپ قورىتىندىلادى دميتريي افاناسيەۆ.