قۇقىق قولدانىسىندا قازاق تىلىنە بايلانىستى كوپتەگەن تۇيتكىلدەر بار
ەلدەگى سوت وتىرىستارىنىڭ 31 پروسەنتى عانا مەملەكەتتىك تىلدە جۇرگىزىلەدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
قازاق تىلىندەگى زاڭدار مەن نورماتيۆتىك قۇقىقتىق اكتىلەردە قاتە كوپ، - دەيدى ماماندار.
بۇگىن ەلوردادا وتكەن عىلىمي-پراكتيكالىق كونفەرەنسيادا وسى ماسەلە تالقىلاندى. جيىنعا قاتىسۋشىلار مەملەكەتتىك ءتىلدى سالاعا تەرەڭ بەيىمدەۋ تۋرالى ۇسىنىستارىن ايتتى. ماسەلەن، زاڭ ۋنيۆەرسيتەتىنىڭ وكىلدەرى تەرمينولوگيالىق سوزدىك دايىنداپ جاتىر. وسى ارقىلى قازاق جانە ورىس تىلدەرىن ءبىرىڭعاي فورماعا كەلتىرۋگە بولادى، دەيدى عالىمدار.
«قۇقىق قولدانىسىندا قازاق تىلىنە بايلانىستى كوپتەگەن تۇيتكىلدەر بار. بۇلاردىڭ ەڭ باسىندا زاڭداردىڭ ىشىندەگى اقاۋلار. نەگىزىندە نورماتيۆتىك قۇقىقتىق اكتىلەر تۋرالى زاڭعا سايكەس، قازاق جانە ورىسشا تەكستتەر تەڭ ءتۇپنۇسقادا بولۋى كەرەك. ءبىراق قازاق ءتىلىن قاراساڭىز سايكەسسىزدىكتەر بار»، - دەيدى زاڭ ۋنيۆەرسيتەتىنىڭ وكىلى مارات احمادي.