بيىل بالالارعا 100 مىڭنان استام وتا جاسالدى
بۇگىن وكق الاڭىندا وتكەن بريفينگ بارىسىندا دەنساۋلىق ساقتاۋ ۆيسە-مينيسترى ۆياچەسلاۆ دۋدنيك ءبىزدىڭ ەلىمىزدە 6،6 ميلليوننان استام بالا مەملەكەت كەپىلدىك بەرگەن ەكى پاكەت جانە الەۋمەتتىك مەديسينالىق ساقتاندىرۋ اياسىندا تەگىن مەديسينالىق كومەك الاتىنىن اتاپ ءوتتى. 2022 جىلى بالالارعا مەديسينالىق كومەكتى قارجىلاندىرۋدىڭ جالپى سوماسى 560 ملرد تەڭگەنى قۇرادى، دەپ حابارلايدى Almaty-akshamy.kz.
ول بالالار جىلىندا انا مەن بالا دەنساۋلىعىن ساقتاۋ ماسەلەسى وزەكتىلىككە يە بولىپ، دەنساۋلىق ساقتاۋ جۇيەسىنىڭ ماڭىزدى جانە باسىم باعىتتارىنىڭ ءبىرى بولىپ قالا بەرەتىنىن اتاپ ءوتتى.
بۇگىنگى تاڭدا بالالارعا مەديسينالىق كومەك كورسەتۋدىڭ كوپ دەڭگەيلى ءتاسىلى جۇزەگە اسىرىلدى. امبۋلاتوريالىق كومەكتى 5690 مساك وبەكتىسى كورسەتەدى. ستاسيونارلىق كومەك ءۇشىن 204 اۋداندىق ورتالىق اۋرۋحانانىڭ، 10 قالالىق جانە 13 وبلىستىق بالالار اۋرۋحاناسىنىڭ بازاسىندا 8130 بالالار توسەگى اشىلعان.
رەسپۋبليكالىق دەڭگەيدە ءۇش نەگىزگى ورتالىقتا - استانا قالاسىنداعى انا مەن بالا عىلىمي ورتالىعىندا، پەدياتريا جانە بالالار حيرۋرگياسى عىلىمي ورتالىعى مەن الماتى قالاسىنداعى اقساي ۋنيۆەرسيتەتتىك كلينيكاسىندا 815 توسەك بار.
جوعارى تەحنولوگيالىق مەديسينالىق كومەك كورسەتۋ، دياگنوزدى ناقتىلاۋ جانە ودان ءارى جۇرگىزۋ ءتاسىلىن ايقىنداۋ ءۇشىن بالالار رەسپۋبليكالىق دەڭگەيدەگى ورتالىقتارعا جاتقىزىلادى.
"2022 جىلى امبۋلاتوريالىق دەڭگەيدە 118 ملن بالالاردى كونسۋلتاسيالىق-دياگنوستيكالىق قابىلداۋ جۇرگىزىلدى، تاۋلىك بويى ستاسيونار جاعدايىندا 576 مىڭ بالا ەمدەلدى، بالالارعا 100 مىڭنان استام وتا جاسالدى"، - دەپ حابارلادى ۆيسە-مينيستر.
پروفيلاكتيكالىق باعىتقا كەلەتىن بولساق، ۆ دۋدنيكتىڭ ايتۋىنشا، قابىلدانىپ جاتقان شارالار ناتيجەسىندە 2022 جىلدىڭ 11 ايىنىڭ قورىتىندىسى بويىنشا وتكەن جىلدىڭ سايكەس كەزەڭىمەن سالىستىرعاندا بالالاردى سكرينينگتەرمەن قامتۋ 3-تەن 12% - عا دەيىن ۇلعايدى. وسىلايشا، نەوناتالدى سكرينينگتىك قامتۋ 91%، اۋديولوگيالىق 75%، پسيحوفيزيكالىق 86%، وفتالمولوگيالىق 92% قۇرادى.
بالالاردىڭ دەنساۋلىعىن نىعايتۋ ماقساتىندا جىل سايىن تۋعاننان 18 جاسقا دەيىنگى بالالارعا پروفيلاكتيكالىق تەكسەرۋلەر جۇرگىزىلەدى.
اعىمداعى جىلى 0-دەن 18 جاسقا دەيىنگى بالالاردى پروفيلاكتيكالىق تەكسەرۋ پاكەتتەرى زەرتحانالىق زەرتتەۋلەردىڭ قوسىمشا ادىستەرىن ەنگىزۋمەن قايتا قارالىپ، كەڭەيتىلدى. بارلىعى 11 ايدىڭ ىشىندە پروفيلاكتيكالىق تەكسەرۋلەرمەن 4،5 ملن. بالا قامتىلدى.