ازىق-تۇلىك باعاسى ەڭ ارزان وبلىس اتالدى.
سولتۇستىك قازاقستان وبلىسىندا الەۋمەتتىك ماڭىزى بار ازىق-تۇلىككە جاتاتىن 11 تاۋاردىڭ باعاسى ەلدەگى ورتاشا باعادان تومەن، دەپ حابارلايدى aqshamnews.kz ساۋدا كوميتەتىنىڭ باسپا ءسوز قىزمەتىنە سىلتەمە جاساپ.
مىسالى، ۇننىڭ ورتاشا باعاسى 224 تەڭگە بولسا، پەتروپاۆلدا ونىڭ ءبىر كەلىسى 150 تەڭگە تۇرادى.
سقو-دا ءسابىز باعاسى دا 14%-عا تومەن. ەلدەگى ەڭ ارزان جۇمىرتقانى دا وسى ايماقتان كەزدەستىرۋگە بولادى، دەيدى كوميتەت. مۇندا س1 ساناتىنداعى جۇمىرتقا 462 تەڭگەدەن ساۋدالانىپ جاتىر. ال ونىڭ رەسپۋبليكاداعى ورتاشا باعاسى – 545 تەڭگە.
بۇدان باسقا وبلىستا سۇزبە، كارتوپ، سيىر ەتى، نان، ماكارون، قاراقۇمىق جارماسى، سارى ماي، پياز بەن ورامجاپىراق قۇنى دا ارزان بولىپ شىقتى.