2025 جىلدىڭ مامىر ايىنان باستاپ Skype قوسىمشاسى جۇمىسىن تولىق توقتاتادى.
بۇل وزگەرىس Skype-تىڭ اقىلى جانە تەگىن قىزمەتىن پايدالانۋشىلارعا قاتىستى، ءبىراق بيزنەسكە ارنالعان Skype قىزمەتىنە اسەر ەتپەيدى، دەپ حابارلايدى aqshamnews.kz El.kz اقپارات اگەنتتىگىنە سىلتەمە جاساپ.
Skype قولدانۋشىلارىنا Microsoft Teams قوسىمشاسىنىڭ تەگىن نۇسقاسىنا كوشۋ ۇسىنىلادى. بۇل قىزمەت Skype-تاعى نەگىزگى مۇمكىندىكتەردى قامتىپ قانا قويماي، قوسىمشا مۇمكىندىكتەر دە ۇسىنادى. Skype قولدانۋشىلارى Microsoft Teams قوسىمشاسىنا وزدەرىنىڭ بۇرىنعى اككاۋنتىمەن كىرسە، بارلىق بايلانىستارى مەن چاتتارى اۆتوماتتى تۇردە كوشىرىلەدى. Skype ىشىندە دە مالىمەتتەردى تاسىمالداۋعا قاتىستى ەسكەرتۋ جىبەرىلەدى.
Microsoft Teams تەگىن قىزمەتىن پايدالانعىسى كەلمەيتىندەر Skype-تاعى دەرەكتەرىن ەكسپورتتاي الادى.
Skype-تاعى اقىلى قوڭىراۋلار مەن جازىلىمدار 2025 جىلدىڭ 3 ساۋىرىنە دەيىن اۆتوماتتى تۇردە ۇزارتىلادى. ال 2025 جىلدىڭ مامىر ايىنان كەيىن Skype ءنومىر تەرۋ فۋنكسياسى تەك Skype ۆەب-پورتالىندا جانە Microsoft Teams تەگىن نۇسقاسىندا قولجەتىمدى بولادى. Skype ءنومىرىن باسقا وپەراتورعا اۋىستىرۋ ءۇشىن جاڭا وپەراتورعا جۇگىنۋ كەرەك.
سونىمەن قاتار، Skype قىزمەتى بۇدان بىلاي جاڭا كليەنتتەر ءۇشىن حالىقارالىق جانە جەرگىلىكتى قوڭىراۋلار جاساۋعا جانە قابىلداۋعا مۇمكىندىك بەرەتىن اقىلى قىزمەتتەردى ۇسىنبايدى.