ءداستۇرلى تۇردە 34 اپتاعا سوزىلاتىن وقۋ جىلى اياقتالۋعا جاقىن.
ەلىمىز بويىنشا بيىلعى وقۋ جىلىن 3،9 ميلليوننان استام وقۋشى قورىتىندىلايدى. ەكى ءجۇز ون جەتى مىڭنان استام ون ءبىرىنشى سىنىپ وقۋشىسى مەكتەپ بىتىرەدى، دەپ حابارلايدى aqshamnews.kz
وتكەن جىلداعىداي، سوڭعى وقۋ كۇنى — 23 مامىردا ەلىمىزدىڭ بارلىق مەكتەپتەرىندە «ءبىلىمىم — وتانىما» تاقىرىبىندا ءبىرىڭعاي سىنىپ ساعاتى وتەدى. بۇل - بۇكىل ءبىلىم بەرۋ جۇيەسى ءۇشىن ماڭىزدى شارا، وقۋشىلار مەن ۇستازدار وقۋ جىلىن قورىتىندىلاپ، ەڭ ماڭىزدى ءارى قىزىقتى ساتتەردى بىرگە ەسكە الادى.
ءبىرىڭعاي سىنىپ ساعاتى وقۋشىلاردىڭ بويىندا بىلىمگە ۇمتىلىس، پاتريوتيزم جانە ەڭبەكقورلىق سياقتى قاسيەتتەردى قالىپتاستىرۋعا باعىتتالعان. بالالاردىڭ وقۋداعى ءاربىر جەتىستىگى — بولاشاعىمىزدىڭ ىرگەتاسىن بەرىك ەتىپ قالاۋدىڭ نەگىزى.
بيىلعى وقۋ جىلىنىڭ رەسمي اياقتالۋى جەكسەنبى كۇنىمەن سايكەس كەلگەندىكتەن، 11-سىنىپ تۇلەكتەرى ءۇشىن سالتاناتتى شارا مەكتەپ اكىمشىلىگىنىڭ شەشىمىمەن 23ء-شى نەمەسە 24ء-شى مامىردا وتكىزىلەدى.
سونداي-اق، بارلىق وقۋشىلار ءۇشىن تەڭ جاعداي مەن قاۋىپسىزدىكتى قامتاماسىز ەتۋ ءۇشىن مەكتەپ فورماتىنان تىس، ءسان-سالتاناتتى ءىس-شارالار ۇيىمداستىرۋ، اقشا جيناۋ، اۆتوكولىكپەن شەرۋگە شىعۋ جانە باسقا دا مەرەكەلەۋ تۇرلەرىنە جول بەرىلمەيتىنىن تاعى دا ەسكە سالامىز.