الماتى قالاسى بوستاندىق اۋدانىنىڭ پوليسەيلەرى ۆەلوسيپەدتەر مەن باسقا دا مۇلىكتى ۇرلادى دەگەن كۇدىكپەن شىعىس قازاقستان وبلىسىنىڭ 32 جاستاعى تۇرعىنىن ۇستادى.
قازىرگى ۋاقىتتا ءتارتىپ ساقشىلارى ونىڭ 10 زاڭسىز ارەكەتكە قاتىسى بارىن دالەلدەدى، دەپ حابارلايدى aqshamnews.kz.
ەر ادام نەگىزىنەن تۇرعىن اۋدانداردا ۇرلىق جاساپ جۇرگەن: مۇلىكتى قاراۋسىز قالدىرعانىن پايدالانىپ، كىرەبەرىستەردەن، اۋلالاردان جانە كوشەلەردەن ۇرلىق جاساعان. ول ۇرلانعان ۆەلوسيپەدتەردى ساتىپ، تۇسكەن اقشانى جەكە قاجەتتىلىكتەرىنە جۇمساعان. قۇقىق بۇزۋشىنىڭ الماتى قالاسىندا تۇراقتى تۇرعىلىقتى جەرى جوق. بۇعان دەيىن ول وسىعان ۇقساس قىلمىستار جاساعانى ءۇشىن بىرنەشە رەت قىلمىستىق جاۋاپكەرشىلىككە تارتىلعان.
— قالا تۇرعىندارىنا قىراعىلىق تانىتىپ، ۆەلوسيپەدتەر مەن باسقا دا مۇلىكتى قورعالماعان جەرلەردە قالدىرماۋ كەرەكتىگىن ەسكەرتەمىز. بۇل ۇرلىق قۇربانى بولۋ ءقاۋپىن ايتارلىقتاي تومەندەتەدى. ۇستالعان ادامعا قاتىستى سوتقا دەيىنگى تەرگەۋ ءجۇرىپ جاتىر. ءبىز ونىڭ باسقا ەپيزودتارعا قاتىسى بار-جوعىن تەكسەرۋدى جالعاستىرامىز، - دەدى بوستاندىق اۋداندىق پب-عا قاراستى پوليسيا ءبولىمىنىڭ باستىعى مۇحامەدالى سەيسەن ۇلى.
پوليسيا قىزمەتكەرلەرى ءدال وسىنداي جولمەن ۇرلىق جاساعانداردان زارداپ شەككەندەردى بوستاندىق اۋداندىق پب-عا حابارلاسۋلارىن سۇرايدى.