ونەركاسىپ جانە قۇرىلىس ۆيسە-مينيسترى قۋاندىق قاجكەنوۆتىڭ ايتۋىنشا، سول سەبەپتى دە بايلانىس ارنالارى ارقىلى كورسەتكىشتەردى اۆتوماتتى تۇردە جيناۋعا ارنالعان تەلەمەتريا تەحنولوگياسى بار اۆتوماتتاندىرۋ جۇيەلەرىنە (تپ ابج) جانە ەسەپكە الۋ اسپاپتارىنا قويىلاتىن تالاپتاردى ستاندارتتاۋ بويىنشا جۇمىستار جۇرگىزىلۋدە.
ۇلتتىق جوبا اياسىندا سۋ ارنالارى كاسىپورىندارىنىڭ پروسەستەرىن كەزەڭ-كەزەڭىمەن اۆتوماتتاندىرۋ كوزدەلگەن.
2026-2028 جىلدارى 3،6 ملن-نان استام «اقىلدى» سۋ ەسەپتەۋ قۇرىلعىلارىن ورناتۋ جوسپارلانۋدا، بۇل سۋ شىعىندارىن ايتارلىقتاي وڭتايلاندىرۋعا جانە جابدىقتىڭ قىزمەت ەتۋ مەرزىمىن ۇزارتۋعا مۇمكىندىك بەرەدى.
وتاندىق جانە حالىقارالىق ساراپشىلارمەن بىرگە استانا، شىمكەنت، ورال، ەكىباستۇز جانە شاحتينسك سىندى 5 قالاداعى سۋ ارنالارى قىزمەتىنىڭ جۇمىسىن باعالاۋ جۇرگىزىلدى. ونىڭ ناتيجەسىندە پروسەستەردى وڭتايلاندىرۋ بويىنشا ۇسىنىستار دايىندالدى، ءبىرتۇتاس سيفرلىق شەشىمدەردى جانە كەزەڭ-كەزەڭىمەن ەنگىزۋدى قاراستىراتىن تەحنيكالىق-ەكونوميكالىق نەگىزدەمەنى دايىنداۋ ءۇشىن تەحنيكالىق تاپسىرما ازىرلەندى.
سۋمەن جابدىقتاۋ اسپاپتارىن ورناتۋ بويىنشا وتىنىمدەردى قالىپتاستىرۋ ماقساتىندا اكىمدىكتەر مەن تابيعي مونوپوليا سۋبەكتىلەرىمەن جۇمىس جۇرگىزىلۋدە، — دەپ اتاپ ءوتتى ول.
سونىمەن قاتار مەملەكەت باسشىسىسىنىڭ 2025 جىلعى 8 قىركۇيەكتەگى جولداۋىنىڭ اياسىندا سۋ سەكتورىنا حالىقارالىق تاجىريبە مەن بىلىكتىلىكتى تارتۋدى تۋرالى مىندەت قويىلعان بولاتىن. وسى ماقساتتا بىلتىر ءىرى حالىقارالىق جەلىلىك وپەراتورلار – Veolia، Suez جانە Aqualia كومپانيالارىمەن ىنتىماقتاستىق تۋرالى مەموراندۋمدارعا قول قويىلدى. مۇنداعى فورمات اكتيۆتەردى بەرۋ ەمەس، مەملەكەت باقىلاۋىن ساقتاي وتىرىپ، باسقارۋشىلىق قۇزىرەتتەر مەن حالىقارالىق ۇزدىك تاجىريبەلەردى ەنگىزۋگە باعىتتالعان.
قازىرگى ۋاقىتتا ەلىمىزدىڭ سۋ ينفراقۇرىلىمىن باسقارۋداعى تاجىريبەسى مەن قۇزىرەتتىلىگىن كەڭەيتۋ ءۇشىن بىرنەشە ازيالىق كومپانيالارمەن كەلىسسوزدەر جالعاسۋدا.