شىعىس قازاقستان وبلىسىندا TikTok ءۇشىن "اسەرلى فوتو" تۇسىرمەك بولعان ايەل پوليسەيلەردىڭ قىزمەتتىك كولىگىنىڭ كاپوتىنا شىعىپ، اكىمشىلىك جازاعا تارتىلدى، دەپ حابارلايدى اqshamnews.kz ءتىلشىسى وڭىرلىك سوتقا سىلتەمە جاساپ.
وقيعا 2025 جىلعى 22 قىركۇيەكتە شامامەن ساعات 20:00-دە التاي اۋدانىنداعى كولىك جۋۋ بەكەتىندە بولعان. ايەل اۋداندىق پوليسيا ءبولىمىنىڭ قىزمەتتىك اۆتوكولىگىنىڭ كاپوتىنا ءمىنىپ، سۋرەتكە ءتۇسىپ، ونى TikTok-تا جاريالاعان. سوت بۇل ارەكەتتى بيلىك وكىلدەرىنە قۇرمەتسىزدىك تانىتىپ، قوعامدىق ءتارتىپتى بۇزۋ دەپ باعالاپ، ق ر اقبتك-نىڭ 434-بابىنىڭ 1-بولىگى («ۇساق بۇزاقىلىق») بويىنشا جاۋاپكەرشىلىككە تارتتى.
سوتتا ول ءوز كىناسىن مويىندادى. ەكى كامەلەتكە تولماعان بالانى تاربيەلەپ وتىرعان، جۇمىسسىز ەكەنى ەسكەرىلىپ، ايەلگە اكىمشىلىك قاماۋ قولدانىلماي، 20 اەك كولەمىندە ايىپپۇل سالىندى. 30 پايىزدىق جەڭىلدىكتى ەسەپتەگەندە تولەنەتىن سوما 55 048 تەڭگەنى قۇرادى. سوت قاۋلىسى زاڭدى كۇشىنە ەندى.