قازاقستاندا دارى-دارمەك تاپشىلىعىنا جول بەرمەۋ جانە باعانىڭ نەگىزسىز ءوسۋىن قاتاڭ باقىلاۋعا الۋ تاپسىرىلدى، - دەپ حابارلايدى اqshamnews.kz ءتىلشىسى.
ۇكىمەت وتىرىسىندا پرەمەر-مينيستر ولجاس بەكتەنوۆ قازاقستاندىقتاردى دارىمەن قامتاماسىز ەتۋ ىسىندە ءالى دە تاۋەكەلدەر بارىن اتاپ ءوتتى. اسىرەسە جىلدىڭ باسىندا لوگيستيكا مەن ساتىپ الۋ راسىمدەرىنىڭ سوزىلۋى سالدارىنان قيىندىقتار تۋىندايتىنىن ايتتى. ونىڭ سوزىنشە، كوپتەگەن ناۋقاستار ءۇشىن ءدارىنى ءۇزىلىسسىز قابىلداۋ ومىرلىك ماڭىزدى.
پرەمەر-مينيستر بۇل ماسەلەلەردى شەشۋ ءۇشىن دەنساۋلىق ساقتاۋ سالاسىنا سيفرلىق قۇرالدار ەنگىزىلىپ جاتقانىن، ءدارىحانالارداعى ءدارى قورى مەن قولجەتىمدىلىگىن باقىلاۋعا مۇمكىندىك بەرەتىن اقپاراتتىق جۇيە ىسكە قوسىلاتىنىن جەتكىزدى.
بەكتەنوۆ دەنساۋلىق ساقتاۋ مينيسترلىگىنە «سك-فارماسيا» جانە وڭىرلەردىڭ اكىمدىكتەرىمەن بىرلەسىپ، كەلەسى جىلعا ارنالعان دارى-دارمەك پەن مەديسينالىق بۇيىمداردى ۋاقىتىلى ساتىپ الۋدى جانە ۇزدىكسىز جەتكىزۋدى قامتاماسىز ەتۋدى تاپسىردى.
سونىمەن قاتار، پرەمەر مينيسترلىككە مونوپولياعا قارسى ورگانمەن بىرگە دارى-دارمەكتىڭ بولشەك ساۋدا سەگمەنتىندە باعالاردىڭ نەگىزسىز قىمباتتاۋىنا جول بەرمەۋ جونىندە شارالار قابىلداۋدى جۇكتەدى.