قازاقستاندا جۇرگىزىلگەن گەولوگيالىق بارلاۋ جۇمىستارى ناتيجەسىندە التىن قورى شامامەن 98 تونناعا كوبەيدى، - دەپ حابارلايدى اqshamnews.kz ءتىلشىسى. بۇل تۋرالى ق ر يندۋستريا جانە قۇرىلىس ۆيسە-مينيسترى يران شارحان ۇكىمەت وتىرىسىندا مالىمدەدى.
ونىڭ ايتۋىنشا، ەلىمىزدە بۇگىندە 103 ءتۇرلى پايدالى قازبا مەن 10 مىڭعا جۋىق كەن ورنى مەملەكەتتىك ەسەپتە تۇر. ءقازىر قاتتى پايدالى قازبالار بويىنشا 2 907 ليسەنزيا جانە 251 كەلىسىمشارت قولدانىستا. بيىلدىڭ وزىندە بارلاۋ ءۇشىن 707، ءوندىرۋ ءۇشىن 22 ليسەنزيا بەرىلگەن.
ۆيسە-مينيستر العاش رەت ەسەپكە الىنعان بەس جاڭا كەن ورنىن اتادى:
– كوك-جون (بولاتتوبە ۋچاسكەسى)،
– التىن-شوكو،
– سامومبەت،
– ستۋدەنتسكيي،
– تاقىر-قالجىر.
بارلاۋ ناتيجەسىندە 36 مىڭ توننا مىس، 11 ملن توننا مارگانەس، 1،3 ملن توننادان استام فوسفوريت قورى دا ءوسىپ وتىرعانى اتاپ ءوتىلدى.
يران شارحاننىڭ ايتۋىنشا، بۇل كورسەتكىشتەر گەولوگيالىق زەرتتەۋلەردىڭ تيىمدىلىگىن جانە قازاقستاندا جەر قويناۋىن پايدالانۋعا دەگەن قىزىعۋشىلىقتىڭ ارتا تۇسكەنىن دالەلدەيدى.