الماتى قالاسىنداعى Salben Group كەڭسەسى – ۇلتتىق بولمىس پەن زاماناۋي ءستيلدىڭ ۇيلەسىمىن تاپقان ەرەكشە ەتنو-ورتا. بۇل كەڭسە كومپانيا باسشىسى المات باقىتجان ۇلى تاريحقا دەگەن شىنايى قۇرمەتىن، ۇلتتىق مادەنيەتتى كۇندەلىكتى ءومىردىڭ اجىراماس بولىگىنە اينالدىرۋعا دەگەن تالپىنىسىن ايقىن كورسەتەدى. وسى ماقساتپەن قوعامدىق دامۋ ورتالىعىنىڭ وكىلدەرى كومپانيا كەڭسەسىنە ارنايى بارىپ، ونداعى ەرەكشە رۋحاني مانگە تولى ەتنو-الەممەن تانىسىپ قايتتى.
«تاريح الىستاپ كەتكەنىمەن، ەگەر ءبىز ءوز ءداستۇرىمىزدى ساقتاپ، كەلەر ۇرپاققا اماناتتاي بىلسەك – ول ماڭگى ءومىر سۇرەدى»، – دەيدى الماتىداعى قۇرىلىس سالاسىندا ەڭبەك ەتىپ كەلە جاتقان كومپانيا باسشىسى المات باقىتجان ۇلى. بۇل قاعيدا كەڭسەسىنىڭ ءار بۇرىشىندا ايقىن كورىنىس تابادى.
2004 جىلدان بەرى قىزمەت ەتىپ كەلە جاتقان كومپانيانىڭ باستى ماقساتى – ۇلتتىق مادەنيەتتى زاماناۋي كەڭىستىكپەن ۇيلەستىرە وتىرىپ، مادەني مۇرانىڭ جاڭا فورماتتا تىنىس الۋىنا مۇمكىندىك اشۋ.
كەرەگەلەردىڭ كونە ەلەمەنتتەرى زاماناۋي ينتەرەرءى وزگەشە ءتىپتى ەتنو ناقىشتاعى باسپالداقتاردا ۇيلەسىم تاۋىپ تۇر. ەدەندە — تەكەمەت، كيىز جانە ۇلتتىق ورنەكتى كىلەمدەر. بۇل تەك دەكور ەمەس، وتكەنگە دەگەن قۇرمەت، قازاقى ءۇيدىڭ جىلۋىن سەزىندىرەتىن ەرەكشە اتموسفەرا.
زالدىڭ قاق ورتاسىنداعى اينەك ۇستەلدىڭ استىنا قامشى، ءومىلدىرىك، قورجىن سەكىلدى قازاق مادەنيەتىنىڭ رامىزدىك بۇيىمدارى قويىلعان.
بۇگىندە قازاقستاننىڭ جالپىۇلتتىق ماعىناعا يە ءۇش باستى سيمۆولى ساقتالعان:
- شاڭىراق - بىرلىكتىڭ سيمۆولى
- دومبىرا - ۇلتتىق رۋحتىڭ سيمۆولى
- ابايدىڭ قارا سوزدەرى - دانالىق پەن ادامگەرشىلىكتىڭ سيمۆولى
Salben Group كەڭسەسىندە وسىنىڭ ءبارى ءبىرتۇتاس كومپوزيسياعا اينالىپ، زاماناۋي بيزنەس-ورتادا ەتنو-ورتالىق دەڭگەيىنە ساي كەڭىستىك قالىپتاستىرىلعان.
وتكەننىڭ ءىزى الىستاسا دا، ءداستۇردى جالعاستىرار ۇرپاق باردا – تاريح ماڭگى ءومىر سۇرمەك.
Salben Group كەڭسەسى – ۇلتتىق مادەنيەتتىڭ زاماناۋي ومىرمەن ۇيلەسىم تابا الاتىنىن دالەلدەيتىن كوركەم ورتا. مۇنداعى ءاربىر دەتال ءداستۇردىڭ تەرەڭ تامىرىنان سىر شەرتەدى، ال زامان تالابىنا ساي جاسالعان شەشىمدەر ۇلتتىق قۇندىلىقتىڭ بۇگىنگى كۇندە دە وزەكتىلىگىن كورسەتەدى. وسىنداي ورىندار ۇلتتىڭ رۋحاني ىرگەسىن بەكىتىپ، مادەني جالعاستىقتىڭ ءوز ۇلگىسىن قالىپتاستىرادى.