16 جەلتوقسان - تاۋەلسىزدىك كۇنى. اqshamnews.kz ءتىلشىسى ايتۋلى مەرەكەگە وراي قازاقستاندا تاۋەلسىزدىك ەسىمدى قانشا ادام بار ەكەنىن انىقتادى.
ۇلتتىق ستاتيستيكا بيۋروسىنىڭ مالىمەتتەرىنە سۇيەنسەك، قازاقستاندا تاۋەلسىزدىك ەسىمدى 1 عانا ادام بار.
"قازاقستان بويىنشا ۇلتى قازاق 1 ادامنىڭ ەسىمى - تاۋەلسىزدىك"، - دەپ جازىلعان دەرەكتە.
ول - جەتىسۋ وبلىسىنىڭ تۇرعىنى، 14 جاستا.
ەلىمىزدە قازاقستان، ەگەمەن، تاۋەلسىزدىك ەسىمدى قانشا ادام بار؟
ۇلتتىق ستاتيستيكا بيۋروسىنىڭ "مەن سياقتى نەشە ادام بار؟" بولىمىندە اتتاس ادامدار ءتىزىمىن تابۋعا بولادى. ماسەلەن، ەلىمىزدە كازاحستان ەسىمدى 24، قازاقستان ەسىمدى 7 جانە كازاكستان ەسىمدى 3 ادام بار.
ال ەگەمەن ەسىمدى 25 ادام بار. ولاردىڭ ۇشەۋى 31 جاستا.
ەلىمىزدە 14 285 ازات، 23 بوستاندىق پەن 3922 ەركىن بار.
تاۋەلسىزدىك كۇنىنە وراي قازاقستاندىقتار قانشا كۇن دەمالادى؟
بيىل 16 جەلتوقسان - تاۋەلسىزدىك كۇنى سەيسەنبىگە تۇسپا-تۇس كەلەدى.
- 15 جەلتوقسان، دەيسەنبى: ادەتتەگى جۇمىس كۇنى؛
- 16 جەلتوقسان، سەيسەنبى: تاۋەلسىزدىك كۇنى(بارلىعىنا دەمالىس)؛
- 17 جەلتوقسان، سارسەنبى: ادەتتەگىدەي جۇمىس كۇنى.