قازاقستاندا الەمدىك دەڭگەيدەگى تاعى ءبىر مۋزىكالىق وقيعا ءوتۋى ىقتيمال. استانادا دجەننيفەر لوپەستىڭ كونسەرتىن ۇيىمداستىرعان پروديۋسەر مالىك حاسەنوۆتىڭ ايتۋىنشا، قازىرگى ۋاقىتتا ايگىلى ءانشى شاكيرامەن كەلىسسوزدەر جۇرگىزىلىپ جاتىر، دەپ حابارلايدى اqshamnews.kz.
"مەن سىزدەرگە كىشىگىرىم قۇپيانى اشايىن. ءبىز ونىمەن (شاكيرامەن - رەد.) كەلىسسوز جۇرگىزىپ جاتىرمىز. بۇيىرسا كۇزدە بەلگىلى بولادى. جاڭالىق كۇتىڭىزدەر"، - دەدى ول.
ەسكە سالايىق، 1 تامىز كۇنى استانادا امەريكالىق پوپ-مۋزىكا جۇلدىزى دجەننيفەر لوپەس ۇلكەن كونسەرت وتكىزگەن بولاتىن. ال 10 تامىزدا ول الماتىدا ونەر كورسەتەدى. سونىمەن قاتار، قىركۇيەكتە استانا مەن الماتى قالالارىندا Backstreet Boys توبىنىڭ شوۋ-كونسەرتتەرى جوسپارلانىپ وتىر.
ايتا كەتەيىك، بۇعان دەيىن مادەنيەت جانە اقپارات ءمينيسترى ايدا بالايەۆا دا لارا فابيان مەن شاكيرانىڭ كونسەرتتەرىنە بارۋعا نيەتتى ەكەنىن بىلدىرگەن.