تانىمال كومپوزيتور قالدىبەك ءقۇرمانالى ساياساتكەر ءارى قوعام قايراتكەرى زامانبەك نۇرقادىلوۆكە قاتىستى كوپشىلىكتى الاڭداتقان ماڭىزدى دەرەكتى ءبولىستى، - دەپ حابارلايدى aqshamnews.kz ءتىلشىسى POLITICO.KZ-كە سىلتەمە جاساپ.
ول بۇل تۋرالى Qazaq Aıran ارناسىنا بەرگەن سۇحباتىندا ايتىپ بەردى.
ءقۇرمانالىنىڭ ايتۋىنشا، ءنۇرقادىلوۆ ءومىرىنىڭ سوڭعى كەزەڭىندە وزىنە ءقاۋىپ ءتونۋى مۇمكىن ەكەنىن الدىن الا سەزىپ جۇرگەن.
"زاكەڭنىڭ قۇپيا قۇجاتتارى تۋرالى ءجيى ايتىلادى. ول كىسى راسىمەن دە قانداي دا ءبىر قاتەردىڭ بارىن سەزگەن سياقتى. سول ۋاقىتتاردا بىرنەشە ادامعا ءوزى حات جازدى. سول حاتتاردىڭ ءبىرىن مۇحتار شاحانوۆ اعامىزعا اپارىپ بەرگەن ەدىم. مۇحاڭ حاتتى ءوز قولىمەن وقىدى، ءبىراق ىشىندە نە جازىلعانىن ماعان ايتپادى"، – دەيدى كومپوزيتور.
ونىڭ سوزىنشە، حاتتاردا اسا ماڭىزدى ماتەريالدارعا قاتىستى تەك كىرىسپە مالىمەتتەر عانا كورسەتىلگەن، ال نەگىزگى قۇجاتتار ءنۇرقادىلوۆتىڭ شەتەلگە جاساعان ساپارلارىنىڭ بىرىندە سىرتقا شىعارىلعان بولۋى مۇمكىن.
"شەتەلگە بارعان كەزدە سول قۇجاتتاردى جاشىككە سالىپ كەتكەن سياقتى. ءبىراق ول قانداي قۇپيا – ناقتى بىلمەيمىن. ايتەۋىر ۇلكەن دۇنيە بولعانى انىق. سەبەبى ءدال سولاردان كەيىن ول كىسىگە قاستاندىق جاسالدى عوي"، – دەپ تۇيىندەدى قالدىبەك ءقۇرمانالى.