"تيتانيك" كەمەسىنىڭ جولاۋشىسى يسيدور شتراۋستىڭ التىننان جاسالعان قالتا ساعاتى ديەۆايزەس قالاسىنداعى Henry Aldridge & Son اۋكسيونىندا ساتىلدى، - دەپ حابارلايدى aqshamnews.kz ءتىلشىسى.
ساعات 1،78 ميلليون فۋنتقا (1،1 ملرد تەڭگە) ساتىلعان.
باسىلىمنىڭ مالىمەتىنشە، بۇل - كەمە اپاتىنا قاتىستى زات ءۇشىن تولەنگەن ەڭ جوعارى باعا. بۇعان دەيىنگى رەكورد بىلتىر ساتىلعان ساعاتقا تيەسىلدى ەدى.
18 كاراتتىق Jules Jurgensen ساعاتى 1912 جىلى ساۋىردە كەمە باتقان كەزدە قازا تاپقان جولاۋشىسى يسيدور شتراۋسقا تيەسىلى بولعان. "تيتانيك" فيلمىندە شتراۋس پەن ونىڭ ايەلى يدا بىر-بىرىنەن ايرىلماعان جۇپ رەتىندە كورسەتىلەدى.