ميدىڭ جۇمىس ىستەۋ قابىلەتىن جاقسارتىپ، اقىل-وي بەلسەندىلىگىن ارتتىرۋدىڭ سان ءتۇرلى امالى بار.
كۇندەلىكتى پايدالى تاعام تۇتىنۋدان باستاپ، جاڭا داعدىلاردى مەڭگەرۋگە دەيىن. الايدا بۇل امالداردى ىسكە اسىرۋ، ناتيجە كورۋ ءۇشىن كوپ ۋاقىت كەرەك. نەيروبيولوگتار مي جۇمىسىن جاقسارتۋدىڭ ەڭ قاراپايىم ءارى ەڭ جىلدام ءادىسىن انىقتادى، دەپ حابارلايدى aqshamnews.kz Ernur.kz-كە سىلتەمە جاساپ.
بۇل – جاي عانا سەرۋەندەۋ. نەيروبيولوگ، نيۋ-يورك ۋنيۆەرسيتەتىنىڭ پروفەسسورى ۆەندي سۋدزۋكي دىڭ ايتۋىنشا، «10 مينۋتتىق سەرۋەندەۋ قورقىنىش پەن دەپرەسسيا دەڭگەيىن تومەندەتەدى، ميدىڭ جۇمىس ىستەۋىن جانداندىرادى».
سۋدزۋكي 10 مينۋتتىق سەرۋەننىڭ اسەرى «دوفامين، سەروتونين سياقتى نەروحيميالىق زاتتار كوپىرشىگى تولعان ىستىق بۇلاۋمەن» تەڭ ەكەنىن جەتكىزدى. ايلار مەن جىلدار بويى تۇراقتى سەرۋەندەۋ ميدى پايدالى نەيروحيميالىق زاتتارمەن عانا ەمەس، سونىمەن قاتار ونىڭ دەنساۋلىعىن جاقسارتۋعا كومەكتەسەتىن ءوسۋ فاكتورلارىمەن قامتاماسىز ەتەدى.
جاياۋ سەرۋەندەۋ داعدىسىن باستاۋعا ەشقاشان كەش ەمەس. 75 جاسقا دەيىن ۇيكۇشىك بوپ ۇيرەنىپ قالعاندار دا وسى جاسىنان كەيىن باستاسا، ءبىراز پايداسىن الىپ ۇلگەرەدى. فيزيكالىق بەلسەندىلىك بارلىعىنا دا پايدالى جانە ەڭ جاقسى جاتتىعۋ — قۋانىش اكەلەتىن جاتتىعۋلار. UniSA جاڭا زەرتتەۋى جۇمىس ورنىنداعى دەنساۋلىقتى جاقسارتۋعا ارنالعان ويىن باعدارلاماسىنا ارنالدى. ويىن تۇرىندە ۇيىمداستىرىلعان كۇندەلىكتى 15 مينۋتتىق قيمىل-قوزعالىس قىزمەتكەرلەردىڭ فيزيكالىق بەلسەندىلىگىن ارتتىراتىنىن كورسەتكەن.