بۇل تۋرالى دەنساۋلىق ساقتاۋ مينيسترلىگىنىڭ سايتىندا ءمالىم بولدى.
ق ر دەنساۋلىق ساقتاۋ ءمينيسترى اقمارال ءالنازاروۆا ددۇ ينفەكسيالىق اۋرۋلار، قورشاعان ورتا جانە دەنساۋلىق ءبولىمىنىڭ ديرەكتورى روبب باتلەرمەن كەزدەسۋ وتكىزدى.
تاراپتار قازاقستاندا «تۋبەركۋلەز ىندەتىن جويۋعا ارنالعان ددۇ ۇزدىك پراكتيكالار ورتالىعىنىڭ» اشىلۋىن تالقىلادى، دەپ حابارلايدى aqshamnews.kz.
ەل ددۇ ەۋروپالىق بيۋروسىنىڭ ۇسىنىستارى مەن جاھاندىق ماقساتتارىنا جوعارى مىندەتتەمە كورسەتە وتىرىپ، تۋبەركۋلەزگە قارسى كۇرەستە ايتارلىقتاي ىلگەرىلەۋشىلىك كورسەتۋدە. سىرقاتتانۋشىلىق پەن ءولىم دەڭگەيى تومەندەيدى، بۇل وسى ينفەكسيانى دياگنوستيكالاۋ، ەمدەۋدىڭ جانە پروفيلاكتيكانىڭ ەڭ جاقسى ستاندارتتارىن ەنگىزۋ ارقىلى جۇزەگە اسىرىلادى.
ۆەدومستۆو باسشىسى تۋبەركۋلەزدى جويۋ ىسىندەگى شەشىمدى ودان ءارى نىعايتۋعا، ەلدەر اراسىندا تاجىريبە الماسۋعا، ورتالىق ازيادا عانا ەمەس، ددۇ-نىڭ ەۋروپالىق وڭىرىندە دە ديالوگ پەن قىزمەتتى ۇيلەستىرۋگە ىقپال ەتە وتىرىپ، قازاقستان ورتالىق اشۋ ءۇشىن ەڭ جاقسى الاڭ بولاتىنىنا سەنىم ءبىلدىردى.
كەزدەسۋ كۇن تارتىبىندە سونداي-اق، بۇگىن استانادا ءوتىپ جاتقان ددۇ، بۇۇ، ەو وكىلدەرىنىڭ قاتىسۋىمەن «قورشاعان ورتانى قورعاۋ ماسەلەلەرى جانە ادام، جانۋارلار مەن قورشاعان ورتانىڭ ءوزارا ىس-ارەكەتى ارقىلى مۇمكىن بولاتىن شەشىمدەر» اتتى ەكىنشى ارىپتەستەر فورۋمى تالقىلاندى.
قازاقستاننىڭ دەنساۋلىق ساقتاۋدىڭ نەگىزگى باعىتتارى بويىنشا جەتىستىكتەرىن اتاپ ءوتىپ، روبب باتلەر مىرزا ارال ءوڭىرى سالاسىنداعى حالىقتىڭ دەنساۋلىق كورسەتكىشتەرىنە اسەر ەتەتىن ەكولوگيالىق پروبلەمالاردى شەشۋ جونىندەگى ەلدىك باستامالاردى قولداۋعا دايىن ەكەنىن ءبىلدىردى.
كەزدەسۋدىڭ سوڭىندا تاراپتار ەكولوگيالىق فاكتورلاردىڭ ازاماتتاردىڭ دەنساۋلىعى مەن ءال-اۋقاتىنا اسەر ەتۋىنىڭ جاعىمسىز سالدارىن ازايتۋ ماقساتىندا ءوزارا ءىس-قيمىلدى كۇشەيتۋگە جانە ستراتەگيالىق تاسىلدەردى ازىرلەۋگە كەلىستى. سونداي-اق، يممۋنداۋ ارقىلى ينفەكسيالاردىڭ پروفيلاكتيكاسىن نىعايتۋ ماسەلەلەرىندە تۇسىنىستىك پەن قولداۋ تابىلدى.