تاڭەرتەڭ ەرتەمەن بارىپ داۋىس بەردىم. بۇگىنگى تاريحي وقيعادان كەز كەلگەن ادام تىس قالماۋ كەرەك دەپ سانايمىن. بۇل تاڭداۋ مەنىڭ، بالالارىمنىڭ بولاشاعىنا قاتىستى بولعاندىقتان ءوز تاڭداۋىمدى جاسادىم.
رەفەرەندۋمعا ەنگىزىلگەن وزگەرىستەردىڭ ءبارى - جاڭا ومىرگە جاسالاتىن قادام بولماق. كەيبىرەۋلەردە “بۇگىن داۋىس بەردىك، ەرتەڭ بۇكىل ءومىر وزگەرىپ كەتەدى” دەگەن تۇسىنىك قالىپتاسقان. ولاي ەمەس. ءبىز ول وزگەرىستەردى ءوزىمىز جاساۋىمىز كەرەك. قۋانتارلىعى، داۋىس بەرۋشىلەر وتە كوپ.
بارلىعى كەزەككە تۇرىپ، داۋىس بەرۋدە. رەفەرەندۋم تۋرالى ۇگىت-ناسيحات جاقسى جۇرگىزىلگەنى كورىنىپ تۇر. جالپى حالىق رەفەرەندۋمنىڭ ماڭىزىن ءتۇسىندى. ەكى ۇسىنىس، تاڭداۋ بولدى. بولاشاعىمىزعا قاجەتتى ۇسىنىستى تاڭدادىق.