«احىسكا» تۇرىك مادەني ورتالىعى ءتوراعاسىنىڭ ورىنباسارى، تانىمال قوعام قايراتكەرى قازاقباي قاسيموۆ ت.قابىلوۆ كوشەسىندەگى №50-ۇيدە ورنالاسقان №407 سايلاۋ ۋچاسكەسىنە بارىپ، رەسپۋبليكالىق رەفەرەندۋمدا داۋىس بەردى.
– كونستيتۋسيالىق رەفورما، بۇل – دەموكراتيالىق قوعامنىڭ اسا ماڭىزدى كورىنىستەرىنىڭ ءبىرى. ساياسي رەفورمانىڭ نەگىزى ءھام ماقساتى – بۇگىنگى ساياسي جۇيەمىزدى تۇبىرىمەن وزگەرتۋ. اتاپ ايتقاندا، سۋپەرپرەزيدەنت باسقارۋ ۇلگىسىن تۇبەگەيلى وزگەرتۋ، بيلىك وكىلەتتىلىگىنىڭ تارماقتارىن قايتا ءبولۋ، پارلامەنتتىڭ ءرولىن كۇشەيتۋ مارتەبەسىن ارتتىرۋ، ەلدى باسقارۋ ىسىنە حالىقتىڭ قاتىسۋ مۇمكىندىگىن كەڭەيتۋ، ازاماتتاردىڭ قۇقىقتارىن قورعاۋ تاسىلدەرىن قورعاۋ از دا بولسا جەتكىزۋ. بۇل اۋقىمدى وزگەرىستەر ەل تاريحىنداعى اسا ماڭىزدى قادام. سەبەبى، اتا زاڭىمىزعا ەنگىزىلەتىن وزگەرىستەر مەن تولىقتىرۋلار حالىقتىڭ تالاپ-تىلەگى ارقىلى جۇيەگە اسادى. بۇگىنگى وتكىزىلىپ جاتقان رەفەرەندۋم «جاڭا قازاقستاننىڭ» جاڭا سەرپىلىسىنە، ساياسات، مادەنيەت، ەكونوميكا سالاسىندا حالقىمىزدىڭ الەۋمەتتىك جاعدايلارىنا سەپتىگىن تيگىزەتىنىنە سەنىمدىمىن. ماڭگىلىك قازاق ەلىنىڭ اڭساعان ارمانى مەن كوزدەگەن ماقساتىن وسى كونستيتۋسيامىز پاش ەتسىنشى دەپ تىلەيمىن. مەن دە مىنە ءوز سايلاۋ ۋچاسكەمە كەلىپ تاڭداۋىمدى جاساپ، داۋىس بەردىم. قازاقستاننىڭ بولاشاعى جارقىن بولعاي!