قازاقستاندا جول قوزعالىسىنا قاتىسىپ جۇرگەن قوس دوڭگەلەكتى كولىك قۇرالدارىن – ەلەكتروساموكاتتار مەن ۆەلوسيپەدتەردى زاڭنامالىق تۇرعىدا رەتتەۋ ماسەلەسى قاراستىرىلىپ جاتىر. بۇل تۋرالى ءماجىلىس كۋلۋارىندا ىشكى ىستەر ءمينيسترىنىڭ ورىنباسارى سانجار ادىلەت مالىمدەدى.
«قازىرگى تاڭدا ساموكات پەن ۆەلوسيپەدتەرگە قاتىستى ارنايى زەرتتەۋ جۇرگىزىلىپ جاتىر. جولدا بەيبەرەكەت جۇرەتىن مۇنداي كولىك تۇرلەرىن رەتكە كەلتىرۋ ءۇشىن ءتيىستى ۇسىنىستار دايىندالىپ، زاڭنامالىق تۇزەتۋلەر ەنگىزىلۋى مۇمكىن»، – دەدى ۆيسە-مينيستر.
مينيسترلىك وكىلىنىڭ ايتۋىنشا، بۇل باستاما — قالا كوشەلەرىندەگى قوزعالىس قاۋىپسىزدىگىن قامتاماسىز ەتۋ، جاياۋ جۇرگىنشىلەر مەن جۇرگىزۋشىلەر اراسىندا ءتارتىپ ورناتۋ ماقساتىندا قولعا الىنىپ وتىر.
ەلەكتروساموكاتتار مەن ۆەلوسيپەدتەر سوڭعى جىلدارى ۇلكەن قالالاردا كولىك كەپتەلىسىن اينالىپ ءوتۋدىڭ ىڭعايلى شەشىمىنە اينالدى. الايدا ولاردىڭ كوبىسى ارنايى تىركەۋسىز، جول ەرەجەسىنە باعىنباي قوزعالادى. وسىعان بايلانىستى مەملەكەتتىك ءنومىر ەنگىزۋ — يەلەرىن جاۋاپكەرشىلىككە تارتۋ تەتىگى رەتىندە قاراستىرىلۋدا.
ەسكە سالايىق، 2023 جىلى قابىلدانعان زاڭعا سايكەس، 25 كم/ساع جىلدامدىقتان اساتىن ەلەكتروساموكاتتار موپەدكە تەڭەستىرىلىپ، ولاردى تىركەۋ مەن مەملەكەتتىك ءنومىر تاعۋ ءتارتىبى ەنگىزىلگەن بولاتىن. جاڭا باستاما بۇل تالاپتاردى بارلىق قوس دوڭگەلەكتى قۇرىلعىلاردىڭ بارلىعىن قامتۋى مۇمكىن.