ءبىرىنشى كەزەكتە قازاقستان حالقىنا، اسىرەسە، اسكەريلەردىڭ وتباسىلارىنا، جاقىندارىنا قايعىرىپ كوڭىل ايتامىن. ءوزىمنىڭ تۋىپ-وسكەن قالام - ارىس قالاسى. سوندىقتان بۇل جاعدايدى جاقسى تۇسىنەمىن. 2 جىل بۇرىن ارىستا دا تۋرا وسىنداي تراگەديا ورىن العانى ەل ەسىنەن ءالى كەتە قويماعان ەدى. بۇل جانتۇرشىگەرلىك جاعداي حالىقتىڭ جۇرەگىن تاعى ءبىر قوزعاپ كەتكەنى انىق. قارۋ-جاراق ساقتايتىن قويما جارىلدى. مەنىڭ ءبىر تۇسىنبەيتىنىم، بۇل نە دەگەن جارىلا بەرەتىن قارۋ-جاراق؟ ەگەر ول وسىنداي قايعى اكەلەتىن بولسا، ونى نەگە ساقتايمىز؟ الدىمەن قارۋ-جاراقتى ءقاۋىپسىز تۇردە ساقتاي الاتىن قويمامىز بولۋ كەرەك. سودان كەيىن بارىپ قارۋ-جاراق جيناۋعا بولادى. ال بىزدە كەرىسىنشە. ەكىنشىدەن، وسى جاعدايدا ءادىل شەشىم قابىلدانۋ كەرەك. بۇل جاعدايدى اسكەريلەرگە جاۋىپ، ولاردى قىلمىسكەر اتاندىرۋعا بولمايدى. اسكەريلەردىڭ ەشقانداي جازىعى جوق. بۇل - جۇيەنىڭ قاتەلىگى. ىسكە قاتىسى جوق ادامداردى ايىپتاعاننان ماسەلە شەشىلمەيدى. سوندىقتان جۇيەنى جوندەپ، اپاتتىڭ سالدارىن انىقتاۋ قاجەت.
جارىلىس كەزىندە وقيعا ورنىندا قازا بولعان اسكەري قىزمەتكەرلەردىڭ جاقىندارىنا اللام سابىر بەرسىن! مارقۇمداردىڭ وتباسىلارىنا ماتەريالدىق كومەك كورسەتىلىپ، جاردەم بەرىلۋ كەرەك. بالا-شاعاسىنا كومەك كورسەتىلسىن دەيمىن. ولار بۇگىنگى كۇننىڭ باتىرلارى! ويتكەنى ولار حالقى ءۇشىن ايانبادى، وزدەرىن ايامادى.