الماتىنىڭ بوستاندىق اۋدانىندا جىلۋ قۇبىرلارىن جاڭعىرتۋعا بايلانىستى روزىباكييەۆ پەن بايقاداموۆ كوشەلەرىنىڭ قيىلىسىندا كولىك قوزعالىسى شەكتەلەدى، - دەپ حابارلايدى اqshamnews.kz ءتىلشىسى.
الداعى جىلىتۋ ماۋسىمىنا دايىندىق بارىسىندا الماتىنىڭ بوستاندىق اۋدانىندا جىلۋ جەلىلەرىن جوسپارلى قايتا جاڭعىرتۋ جالعاسۋدا. بۇل جۇمىس اياسىندا 1984 جىلى پايدالانۋعا بەرىلگەن جالپى ۇزىندىعى 1،2 شاقىرىمدىق جىلۋ ماگيسترالى اۋىستىرىلادى.
وسىعان بايلانىستى 2025 جىلى 16 تامىزدان 27 تامىزعا دەيىن روزىباكييەۆ پەن بايكاداموۆ كوشەلەرىنىڭ قيىلىسىندا اۆتوكولىك قوزعالىسى ۋاقىتشا توقتاتىلادى.
بۇل شەكتەۋلەر اتالعان كوشەنىڭ استىنان وتەتىن قۇبىر جەلىسىن قايتا جاڭارتۋ بويىنشا جوسپارلى جۇمىستاردىڭ قاۋىپسىزدىگىن قامتاماسىز ەتۋ ماقساتىندا ەنگىزىلەدى. جاڭارتۋ جۇمىستارى كەزىندە تۇتىنۋشىلارعا ىستىق سۋ بەرۋ توقتاتىلمايدى.
اتالعان جىلۋ ماگيسترالى 97 كوپپاتەرلى تۇرعىن ءۇيدى، 12 جەكە تۇرعىن ءۇيدى، 4 بالاباقشانى، 2 اۋرۋحانانى جانە 27 وزگە دە نىساندى جىلۋ ەنەرگياسىمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 شاقىرىم جىلۋ جەلىسىن قايتا جاڭارتۋ جوسپارلانعان. بۇل توزۋ دەڭگەيىن 54%-عا دەيىن تومەندەتەدى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە جاريالانعان.