الاتاۋ اۋدانىندا پوليسەيلەر قالتا ۇرلىعىنىڭ الدىن الۋ بويىنشا پروفيلاكتيكالىق جۇمىستاردى قارقىندى جۇرگىزىپ جاتىر، دەپ حابارلايدى aqshamnews.kz
ادامدار كوپ جينالاتىن ورىنداردا، اسىرەسە قوعامدىق كولىكتەردە، ازاماتتاردىڭ ۇرلىقتان ساقتانۋ جولدارىن تۇسىندىرەتىن جادىنامالار مەن بروشيۋرالار ورنالاستىرىلدى. جاڭا وقۋ جىلىنىڭ باستالۋىنا بايلانىستى قالادا جولاۋشىلار اعىنى ايتارلىقتاي كوبەيەدى. مەكتەپ وقۋشىلارى مەن ستۋدەنتتەردىڭ ساباققا ورالۋى، سونداي-اق قالا تۇرعىندارىنىڭ بەلسەندىلىگى ارتاتىن كەزەڭدە ءتارتىپ ساقشىلارىنا جۇكتەلەتىن جاۋاپكەرشىلىك تە ەسەلەنەدى.
— قالا تۇرعىندارى مەن قوناقتارىن قوعامدىق ورىندار مەن كولىكتە بارىنشا مۇقيات بولۋعا شاقىرامىز. سومكە مەن ريۋكزاكتارىڭىزدى ءاردايىم كوز الدىڭىزدا ۇستاڭىز، اشىق قالتالاردا قوماقتى اقشا مەن باعالى زاتتاردى ساقتاماڭىز. ەگەر كۇدىكتى ادامداردى بايقاساڭىز نەمەسە ۇرلىقتىڭ كۋاسى بولساڭىز، دەرەۋ پوليسياعا حابارلاسىڭىز. قاراپايىم ساقتىق شارالارى مۇلكىڭىز بەن تىنىشتىعىڭىزدى ساقتاۋعا كومەكتەسەدى، — دەدى الاتاۋ اۋداندىق پوليسيا باسقارماسى باستىعىنىڭ ورىنباسارى اسەت كوپەشبايەۆ.