مەملەكەت باسشىسى قاسىم-جومارت توقايەۆ تامىز كونفەرەنسياسىنىڭ پلەنارلىق وتىرىسىندا ءسوز سويلەدى.
«ەڭ الدىمەن، بارشاڭىزعا ءداستۇرلى تامىز كونفەرەنسياسىنىڭ اشىلۋى قۇتتى بولسىن! بۇل – وسكەلەڭ ۇرپاققا ساپالى ءبىلىم مەن تاعىلىمدى تاربيە بەرۋ ماسەلەسىنە ارنالعان وتە ماڭىزدى باسقوسۋ.
ۇستاز – ۇلتتىڭ شامشىراعى. سىزدەر كۇندەلىكتى قاجىرلى ەڭبەكتەرىڭىز ارقىلى ەل دامۋىنا ولشەۋسىز ۇلەس قوسىپ كەلەسىزدەر. جاس ۇرپاقتىڭ بويىنا ءبىلىم ءنارىن سەۋىپ، وزىق ويلى ۇلت تاربيەلەپ جۇرسىزدەر. حالقىمىزدىڭ زياتكەرلىك قۋاتىن ارتتىرۋعا بەلسەنە اتسالىسىپ جاتسىزدار.
بۇگىن مەن ەلىمىزدەگى ۇستازدار قاۋىمىنا شىنايى ريزاشىلىعىمدى بىلدىرەمىن! شىن مانىندە، مۇعالىمدەر مەملەكەتتىك ماڭىزى بار جۇمىستى اتقارىپ جاتىر. ىبىراي التىنسارين «جاقسى وقىتۋشىنى بارىنەن دە قىمبات كورەمىن» دەگەن. ەلدىڭ ەرتەڭى مۇعالىمدەرگە تىكەلەي بايلانىستى. سوندىقتان ۇستازدىڭ قوعامداعى ورنى بارىنەن بيىك بولۋعا ءتيىس».
ەلدىڭ ەرتەڭى مۇعالىمدەرگە تىكەلەي بايلانىستى
- اۆتور aqshamnews.kz
- 11:21، 15 تامىز 2025
اقوردا