ەلەۋلى دۇنيە
ەلوردادا قازاقستان مەن كسرو حالىق ءارتيسى، حالىق قاھارمانى، ءانشى روزا باعلانوۆاعا ارنالعان حالىقارالىق ۆوكاليستەر بايقاۋى وتۋدە، دەپ حابارلايدى Almaty-akshamy.kz.
فينالعا شىعۋ ءۇشىن قازاقستان، تۇركيا، وزبەكستان، تاتارستان، پولشا، بولگاريا، قىرعىز رەسپۋبليكاسى جانە بەلارۋس رەسپۋبليكالارىنان 21 تالاپكەر ب ا ق سىنايدى.
2022 جىلعى 12 قازان مەن 20 قاراشا ارالىعىندا ونلاين فورماتتا وتكەن ىرىكتەۋ كەزەڭى اياسىندا 48 ءوتىنىم قابىلداندى. ونىڭ قورىتىندىسى بويىنشا فينالعا 21 ورىنداۋشى ءوتتى. بايقاۋ جەڭىمپازى 3 جەلتوقساندا وتەتىن فينال مەن گالا-كونسەرت كەزىندە بەلگىلى بولادى.
كونكۋرسقا ەسترادا جانرىندا ونەر كورسەتەتىن 18-35 جاس ارالىعىنداعى ۆوكاليستەر، رەسپۋبليكالىق جانە حالىقارالىق كونكۋرستاردىڭ، تەليەۆيزيالىق ۆوكالدىق كونكۋرستاردىڭ قاتىسۋشىلارى، مادەنيەت جانە ونەر سالاسىنداعى جوعارى وقۋ ورىندارىنىڭ ستۋدەنتتەرى قاتىساتىنىن اتاپ وتكەن ءجون.
