الماتىدا وسى جۇما كۇنى ساعات 11:00-دە جوسپارلى جالپىقالالىق سەيسميكالىق وقۋ-جاتتىعۋ وتەدى. ول جىلىنا ءبىر رەت وتكىزىلەدى، دەپ حابارلايدى Almaty-akshamy.kz تجد-نە سىلتەمە جاساپ.
توقسان سايىن قالا مەكەمەلەرىندە سەيسميكالىق جاتتىعۋلار ۇيىمداستىرىلسا، بيىلدىڭ وزىندە 3،5 مىڭنان استام سەيسميكالىق وقۋ-جاتتىعۋلار وتكىزىلدى.
سەيسميكالىق وقۋ-جاتتىعۋ كۇنى تەلە جانە راديوارنالار سيرەنالىق قوندىرعىلاردى پايدالانۋ ارقىلى قالالىق ەسكەرتۋ جۇيەسى ىسكە قوسىلادى، «دارمەن» ءموبيلدى قوسىمشاسى ارقىلى push-حابارلامالار جىبەرىلەدى.
بارلىق ءبىلىم بەرۋ، دەنساۋلىق ساقتاۋ نىسانى جانە كىسى اياعى ۇزىلمەيتىن (سوو، سو، ءسۇ) جەرلەردە ەۆاكۋاسيالاۋ ءۇشىن وقۋ ەلەمەنتتەرى ازىرلەنەدى، وندا تجد قىزمەتكەرلەرى ادىستەمەلىك كومەك كورسەتەدى جانە «جەر سىلكىنىسى كەزىندەگى 10 قاراپايىم قادام» اتتى جادىناما تاراتىلادى.
سەيسميكالىق وقۋ-جاتتىعۋدىڭ نەگىزگى ماقساتى – قالا تۇرعىندارىنىڭ توتەنشە جاعداي كەزىندەگى ءىس-قيمىلدارعا دايىندىق دەڭگەيىن ارتتىرۋ، تۇرعىندار ەۆاكۋاسيالاۋ جولدارىن، ءقاۋىپسىز جەرلەردى الدىن الا انىقتاپ، اپاتتىق چەموداندارىن دايىنداۋ.
