ريددەر جىلۋ ەلەكتر ورتالىعىنداعى ستانسادا تاعى دا اپات بولدى

جەو باسشىلىعىنىڭ كىناسىنەن جاعداي تاعى قايتالاندى

شىعىس قازاقستان وبلىسى ريددەر قالاسىندا جىلۋ ەلەكتر ورتالىعىنداعى باگەر ستانسياسىندا اپات بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

بۇل تۋرالى وبلىس اكىمى دانيال احمەتوۆ الەۋمەتتىك جەلىدەگى پاراقشاسىندا جازدى.

«ريددەردەگى جىلۋ ەلەكتر ورتالىعى باسشىلىعىنىڭ نەمقۇرايدىلىعىنان باگەر ستانسياسى قايتادان سۋ استىندا قالدى. ءدال وسىنداي جاعداي وتكەن جىلدىڭ 5 قاراشاسىندا بولعان. سول كەزدە مەردىگەر ۇيىمداردىڭ قىزمەتكەرلەرى مازۋتتى سورىپ الىپ، بارلىق اگرەگاتتاردىڭ جۇمىسىن قالپىنا كەلتىرگەن ەدى. الايدا، جەو باسشىلىعىنىڭ كىناسىنەن جاعداي تاعى قايتالاندى. ءقازىر باگەر ستانسياسىندا اپاتتى جويۋ جۇمىستارى جۇرگىزىلۋدە»، - دەيدى ايماق باسشىسى.

ونىڭ ايتۋىنشا، 4 موتوپومپا، 4 سۋاستى سورعى ىسكە قوسىلدى.

توتەنشە جاعداي جونىندەگى شتابتىڭ اقپاراتىنا سايكەس، 3-4 ساعات ىشىندە اپات سالدارى جويىلادى.

«ريددەر تۇرعىندارىنا الاڭداۋعا ەش نەگىز جوق. بۇل جاعداي ورتالىقتىڭ جۇمىسىنا اسەر ەتپەيدى. رەزەرۆتىك جابدىق قوسىلعان. جەو-دان جىلۋ بەرۋ كەستە بويىنشا جۇرگىزىلەدى. شتاب ماماندارى اپاتتىڭ سەبەپتەرىن انىقتاپ جاتىر»، - دەدى دانيال احمەتوۆ.