الماتى وبلىسى تجد قىزمەتكەرلەرى بالىقشىنى جاعاعا جەتكىزۋگە كومەكتەستى، دەپ حابارلايدى Almaty-akshamy.kz.
4 قاڭتار كۇنى ساعات 15:41-دە الماتى وبلىسى تجد كەزەكشى ءبولىمىنىڭ پۋلتىنە 103 كەزەكشى قىزمەتىنەن 1973 جىلى تۋعان ەر ادامنىڭ اۋىرىپ قالعانى جانە ونى تاسىمالداۋ ءۇشىن كومەك قاجەت ەكەندىگى تۋرالى حابارلاما كەلىپ تۇسكەن.
«شاقىرتۋ ورنىنا الماتى وبلىسى تجد جەدەل-قۇتقارۋ جاساعىنىڭ 4 قىزمەتكەرى مەن 1 تەحنيكاسى دەرەۋ جىبەرىلدى. شاقىرتۋ ورنىنا كەلگەننەن كەيىن ازاماتتىڭ 2023 جىلعى 4 قاڭتاردا تاڭەرتەڭ قاپشاعاي سۋ قويماسىنا جاعادان 1،5 شاقىرىم قاشىقتىققا بالىق اۋلاۋعا شىققانى جانە ازاماتتىڭ (گيپەرتونيامەن اۋىراتىن) اۋىرىپ قالعانى انىقتالدى»، - دەپ جازدى ۆەدومستۆودان.
قونايەۆ قالاسىنىڭ جەدەل قۇتقارۋ جاساعىنىڭ كۇشىمەن ازامات جاعاعا جەتكىزىلىپ، مەديسينالىق جەدەل جاردەم قىزمەتكەرلەرىنە بەرىلدى.