«پيلوتتىق جوبا» باستالدى
2022 جىلدىڭ 10 شىلدەسىنەن باستاپ رەسەي اۋماعىندا «ق ر شەگىنەن تىس جەرلەردە تۇراتىن ق ر ازاماتتارىنا پاسپورتتاردى راسىمدەۋ» بويىنشا مەملەكەتتىك قىزمەتتى ەلەكتروندىق فورماتقا كوشىرۋ بويىنشا «پيلوتتىق جوباسى» باستالدى،دەپ حابارلايدى Almaty-akshamy.kz ءسىم باسپا ءسوز قىزمەتىنە سىلتەمە جاساپ.
اتالعان جوبا رەسەيدە تۇرىپ جاتقان قازاقستاندىق ازاماتتارعا قازان، ومبى، سانكت-پەتەربۋرگ جانە استراحان قالالارىنداعى ق ر كونسۋلدىق مەكەمەلەرى ارقىلى پاسپورتتى 80 كۇننىڭ ورنىنا 30 كۇن ىشىندە رەسىمدەۋگە مۇمكىندىك بەرەدى.
بۇگىنگى تاڭدا ەلەكتروندىق قۇجاتتاندىرۋ جۇيەسى قازاقستاننىڭ ءباا (ءابۋ-دابي، دۋباي قالالارى)، گەرمانيا (بەرلين، ماينداعى فرانكفۋرت، ميۋنحەن، گاننوۆەر قالالارى)، كورەيا رەسپۋبليكاسى(سەۋل ق.)، رەسەي (ماسكەۋ ق.)، اقش (ۆاشينگتون، نيۋ-يورك، سان-فرانسيسكو قالالارى)، وزبەكستان (تاشكەنت ق.)، جاپونيا (توكيو ق.) مەن تۇركياداعى (انكارا، ىستانبۇل، انتاليا قالالارى) شەتەلدىك مەكەمەلەرىندە ءساتتى جۇمىس ىستەيدى.