قىزىلوردا وبلىسىنىڭ جالاعاش اۋدانىندا سىرداريا وزەنى باسسەينىندەگى يرريگاسيالىق جانە درەناجدىق جۇيەلەردى قايتا جاڭعىرتۋ جۇمىستارى اياقتالدى، دەپ حابارلايدى aqshamnews.kz
بارلىعى 1362،2 شاقىرىم كانال قايتا جاڭعىرتىلىپ، 14 617 شاعىن گيدروتەحنيكالىق نىسان اۋىستىرىلىپ، جاڭادان سالىندى. سونداي-اق 327،86 شاقىرىم كوللەكتور مەن 151 باقىلاۋ ۇڭعىماسى قالپىنا كەلتىرىلدى.
وسى جۇمىستاردىڭ ناتيجەسىندە جالپى كولەمى 15،1 مىڭ گەكتار اۋىل شارۋاشىلىعى القاپتارىن سۋمەن جابدىقتاۋ جانە مەليوراتيۆتىك جاعدايى جاقسارىپ، سۋارمالى جەرلەر تولىق يگەرىلدى. جوبا سۋ شىعىنىن 30%-عا دەيىن ازايتۋ ارقىلى جىلىنا شامامەن 95 ملن تەكشە مەتر سۋدى ۇنەمدەۋگە مۇمكىندىك بەرەدى.
جەرگىلىكتى شارۋا قوجالىقتارى جۇمىس ناتيجەلەرىنە وڭ باعا بەرىپ وتىر.
«كانالداردى تازارتۋ، شليۋزدەر ورناتۋ جانە باسقا دا جۇمىستاردىڭ ارقاسىندا سۋ جەتكىزۋ جاعدايى 35-40%-عا جاقساردى. بۇل جۇيە ديقاندارعا سۋ تاپشىلىعى جاعدايىندا دا جۇمىس ىستەۋگە كومەكتەسەدى. جالپى ناتيجەلەر وتە جاقسى»، – دەدى جەرگىلىكتى شارۋا قوجالىعىنىڭ اگرونومى سۇلتانبەك ۇسەنوۆ.
«بۇل جۇمىستار دۇنيەجۇزىلىك بانكپەن بىرلەسىپ جۇزەگە اسىرىلىپ جاتقان يرريگاسيالىق جانە درەناجدىق جۇيەلەردى جەتىلدىرۋ جوباسىنىڭ ەكىنشى كەزەڭى اياسىندا اتقارىلدى. وسىعان ۇقساس جوبالار الماتى، جامبىل جانە تۇركىستان وبلىستارىندا دا جۇرگىزىلىپ جاتىر. وسىنىڭ ارقاسىندا 105 مىڭ گەكتاردان استام جەردىڭ سۋارمالى جاعدايى جاقسارادى. بۇگىنگى تاڭدا بۇل جوبالاردىڭ 86%-ى اياقتالدى. ءقازىردىڭ وزىندە 79،15 مىڭ گەكتار ەگىستىككە سۋ جەتكىزۋ جاقسارىپ، جىلىنا 201،8 ملن تەكشە مەتر سۋ ۇنەمدەۋگە جاعداي جاسالدى»، – دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.