استانا حالىقارالىق اۋەجايىندا امەريكا قۇراما شتاتتارىنان ۇشىپ كەلگەن 54835-ا اسكەري ءبولىمىنىڭ باتالون سەرجانتى 3-سىنىپتى سەرجانت اسلان دارحان مەن 18404 اسكەري ءبولىمى پاراشيۋتتىق-دەسانتتىق روتاسىنىڭ سەرجانتى 2-سىنىپتى گۆارديا سەرجانتى راۋانى توقتاربەكوۆتى سالتاناتتى جاعدايدا قارسى الدى.
اسكەري قىزمەتشىلەر اريزونا شتاتىنىڭ ۇلتتىق گۆاردياسى ەڭ جاقسى اسكەري قىزمەتشىلەردى انىقتاۋ ماقساتىندا سەرجانتتار قۇرامى ءۇشىن ۇيىمداستىراتىن جىل سايىنعى Best warrior بايقاۋىنا قاتىستى، دەپ حابارلايدى aqshamnews.kz.
ناۆاحو اسكەري بازاسىندا وتكەن جارىسقا اقش-تىڭ جەتى شتاتىنان، سونداي-اق فيدجي، گۋاما، تونگي جانە فيليپپين مەملەكەتتەرىنەن كەلگەن اسكەري قىزمەتشىلەر قاتىستى.
كونكۋرس ارميالىق جاۋىنگەرلىك فيتنەس سىناعىنان، جاۋىنگەرلىك دايارلىقتى وقىتۋ پاندەرى بويىنشا نورماتيۆتەر تاپسىرۋدان، توپ قۇرامىنداعى تاكتيكالىق دايىندىقتان، توپوگرافيادان، جەرگىلىكتى جەردى پاترۋلدەۋدەن، تاكتيكالىق مەديسينادان، م-240ۆ پۋلەمەتىنەن، م-4 اۆتوماتىنان، م-17 تاپانشاسىنان اتۋدان جانە 12 كگ جۇكپەن تولىق جابدىقتا 28 شاقىرىمعا مارش جاساۋدان تۇردى.
– جوعارى باسەكەلەستىككە، اقش ارمياسىنىڭ قارۋ-جاراق ۇلگىلەرى مەن قۇرىلعىلارىندا جاتتىعۋلاردىڭ ورىندالۋىنا قاراماستان، ءبىزدىڭ اسكەري قىزمەتشىلەر جاۋىنگەرلىك قاسيەتتەرىن كورسەتىپ، جارىستىڭ ءۇش تۇرىندە ۇزدىك اتاندى، – دەپ اتاپ ءوتتى ق ر قارۋلى كۇشتەرى باس شتابىنىڭ سەرجانتتىق قۇرامىمەن جۇمىس باسقارماسىنىڭ اعا نۇسقاۋشى-سەرجانتى شتاب-سەرجانت بەگلان بەيسالييەۆ.
ءبىز 3-سىنىپتى سەرجانت دارحان اسلاننىڭ 800 مەتر قاشىقتىقتى 2 مينۋت 5 سەكۋندتا جۇگىرىپ ءوتىپ، بايقاۋ تاريحىندا رەكورد ورناتقانىن حابارلاعان بولاتىنبىز.
بۇدان بولەك ءبىزدىڭ جىگىتتەر 12 كيلوگرامدىق جۇكپەن 28 شاقىرىمعا 3 ساعات 39 مينۋتتىق مارش جاساپ، ۇزدىك ناتيجە كورسەتتى. جاۋىنگەرلەر كەرەمەت توزىمدىلىك تانىتىپ، قازاقستان تۋىمەن مارەگە جەتتى.
جاۋىنگەرلىك دايىندىق جانە اقش قارۋلى كۇشتەرىنىڭ ءارتۇرلى قارۋ ۇلگىلەرىنەن اتۋ نورماتيۆتەرىن ورىنداۋ كەزىندە 2-سىنىپتى سەرجانت راۋان توقتاربەكوۆ تە جاقسى ناتيجەگە قول جەتكىزىپ، «ۇزدىك اتقىش» سەرتيفيكاتىمەن ماراپاتتالدى.