قازاق ۇلتتىق قىزدار پەداگوگيكالىق ۋنيۆەرسيتەتى الەمدىك بەدەلگە يە Times Higher Education Impact Rankings 2025 جاھاندىق رەيتينگىنە ءۇشىنشى جىل قاتارىنان ەندى.
بۇل رەيتينگ – جوعارى وقۋ ورىندارىنىڭ بىرىككەن ۇلتتار ۇيىمىنىڭ 17 تۇراقتى دامۋ ماقساتىنا قوسقان ۇلەسىن باعالايتىن ماڭىزدى كورسەتكىش، دەپ حابارلايدى aqshamnews.kz.
ۋنيۆەرسيتەتتىڭ بۇل تىزىمگە ەنۋى – ءبىلىم بەرۋ، عىلىمي-زەرتتەۋ جانە الەۋمەتتىك جاۋاپكەرشىلىك سالالارىنداعى جەتىستىكتەرىنىڭ حالىقارالىق دەڭگەيدە مويىندالعانىنىڭ ايعاعى.
2025 جىلعى رەيتينگكە الەمنىڭ 2526 جوعارى وقۋ ورنى قاتىسىپ، ۋنيۆەرسيتەتتەر اراسىنداعى باسەكەلەستىك ايتارلىقتاي ارتتى (سالىستىرۋ ءۇشىن: 2024 جىلى – 1963 جوو). ۋنيۆەرسيتەتتەر اراسىنداعى باسەكەلەستىك كۇشەيگەنىنە قاراماستان، QyzPU 1501+ دەڭگەيىندەگى ورنىن ساقتاپ قالدى. بۇل — وقۋ ورنىنىڭ ۇزاقمەرزىمدى ستراتەگيالىق دامۋ جوسپارىنىڭ تيىمدىلىگىن جانە تۇراقتىلىققا باعىتتالعان قادامدارىنىڭ ناتيجەلىلىگىن ايعاقتايدى.
ۋنيۆەرسيتەت بۇۇ-نىڭ بارلىق 17 تۇراقتى دامۋ ماقساتى بويىنشا باعالانىپ، كەلەسى ناتيجەلەرگە قول جەتكىزدى: كەدەيلىكتى جويۋ – 1001+ ورىن، اشتىقتى جويۋ – 801+ ورىن، جاقسى دەنساۋلىق پەن ءال-اۋقات – 1001–1500 ورىن، ساپالى ءبىلىم بەرۋ – 1001–1500 ورىن، گەندەرلىك تەڭدىك – 301–400 ورىن، تازا سۋ جانە سانيتاريا – 801–1000 ورىن، قىمبات ەمەس جانە تازا ەنەرگيا – 1001+ ورىن، لايىقتى جۇمىس جانە ەكونوميكالىق ءوسۋ – 1001+ ورىن، يندۋستريالاندىرۋ، يننوۆاسيالار جانە ينفراقۇرىلىم – 1001+ ورىن، تەڭسىزدىكتى ازايتۋ – 801–1000 ورىن، تۇراقتى قالالار جانە ەلدى مەكەندەر – 801–1000 ورىن، جاۋاپتى تۇتىنۋ جانە ءوندىرىس – 801+ ورىن، كليماتتىڭ وزگەرۋىمەن كۇرەس – 1001+ ورىن، تەڭىز ەكوجۇيەلەرىن ساقتاۋ – 601+ ورىن، قۇرلىقتاعى تىرشىلىك – 601–800 ورىن، بەيبىتشىلىك، ادىلدىك جانە ءتيىمدى ينستيتۋتتار – 1001+ ورىن، تۇراقتى دامۋ ءۇشىن سەرىكتەستىك – 1501+ ورىن.
QyzPU تۇراقتى دامۋ سالاسىنداعى باستامالاردى جۇزەگە اسىرۋدا جانە الەۋمەتتىك ادىلەتتىلىك پەن ەكولوگيالىق تۇراقتىلىقتى ىلگەرىلەتۋدە بەلسەندى جۇمىس جۇرگىزىپ كەلەدى. ۋنيۆەرسيتەتتىڭ عىلىمي-زەرتتەۋ قىزمەتى مەن ءبىلىم بەرۋ باعدارلامالارى وسى ماڭىزدى باعىتتاردى قامتي وتىرىپ، قوعامنىڭ ورنىقتى دامۋىنا ماڭىزدى ۇلەس قوسۋدا.
ايتا كەتەيىك، Times Higher Education Impact Rankings – جوعارى وقۋ ورىندارىنىڭ جاھاندىق دەڭگەيدە تدم-عا قول جەتكىزۋگە قوسقان ۇلەسىن كەشەندى تۇردە باعالايتىن حالىقارالىق رەيتينگ. قازاق ۇلتتىق قىزدار پەداگوگيكالىق ۋنيۆەرسيتەتىنىڭ اتالمىش رەيتينگكە ەنۋى – ۋنيۆەرسيتەت ۇجىمىنىڭ ەرەن ەڭبەگىنىڭ جارقىن كورىنىسى.
