قازا تاپقان قۇتقارۋشىنىڭ وتباسىنا قاراعاندى وبلىسىنىڭ باسشىلىعى بارىپ، كوڭىل ايتتى. قازا تاپقان ءورت ءسوندىرۋشىنىڭ وتباسىنا بارلىق قاجەتتى كومەك پەن قولداۋ كورسەتىلۋدە. ءقازىر قارالى ۇيدە فەلدشەرلىك جانە پسيحولوگيالىق كومەك ۇيىمداستىرىلعان.
6 قازاندا قاراعاندى وبلىسىندا قارقارالى اۋدانىنداعى دالا ءورتىن ءسوندىرۋ بارىسىندا ءوز قىزمەتتىك مىندەتىن اتقارۋ كەزىندە 24ء-ورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى 1991 جىلى تۋعان حالي حايرات قازا تاپتى.
سەرجانت ازاماتتىق قورعاۋ ورگاندارىندا 2014 جىلدان باستاپ جۇمىس ىستەگەن.
وقيعانىڭ ءمان-جايى انىقتالۋدا. سوتقا دەيىنگى تەرگەۋ باستالدى.
ۆەدومستۆونىڭ اپاتتار مەديسيناسى ورتالىعىنىڭ پسيحولوگتارى قايتىس بولعان قىزمەتكەردىڭ تۋىستارىنا قاجەتتى پسيحولوگيالىق كومەك كورسەتۋدە.
قازاقستان رەسپۋبليكاسى توتەنشە جاعدايلار مينيسترلىگى ءورت ءسوندىرۋشىنىڭ تۋىستارى مەن جاقىندارىنا كوڭىل ايتادى!
تجم قازا تاپقان ءورت ءسوندىرۋشىنىڭ وتباسىنا جان-جاقتى كومەك پەن قولداۋ كورسەتەدى.
ەستەرىڭىزگە سالا كەتەيىك بۇعان دەيىن ەلىمىزدىڭ ەكى ايماعىندا ءورت شىققانىن حابارلاعان بولاتىنبىز.