اقپان- قازاقتىڭ "اق ىقپا"، ياعني بوران دەگەن سوزىنەن شىققان دەيدى دانالىعى. بۇل اي - قىستىڭ ەڭ اۋىر ءارى قاھارلى كەزى. قاتتى سۋىق، اياز، ۇسكىرىك، دۇلەي بوراندار وسى ايدا بولادى. دەسە دە، بيىلعى قىس قاھارىنا مىنبەگەن سياقتى. قاڭتار دا جىلى كۇندەرىمەن قۋانتتى. الداعى ايدا كۇن رايى قانداي بولماق؟
اقپان ايىندا ەلىمىزدىڭ باسىم بولىگىندە اۋانىڭ ورتاشا تەمپەراتۋراسى كليماتتىق نورمادان 1-2° جوعارى بولادى دەپ بولجانۋدا. بۇل يران مەن ورتا ازيا اۋداندارىنان جىلى اۋا ماسسالارىنىڭ شىعارىلۋىنا بايلانىستى بولادى، دەپ حابارلايدى Almaty-akshamy.kz
"قازگيدرومەتتىڭ" مالىمەتىنشە، ەلىمىزدىڭ شىعىسىندا تايمىر مەن شىعىس ءسىبىر اۋداندارىنان سۋىق انتيسيكلوننىڭ ىقپال ەتۋىنە بايلانىستى اۋا تەمپەراتۋراسى كليماتتىق نورما شاماسىندا بولادى.
اقپان ايىندا جاۋىن-شاشىن مولشەرى رەسپۋبليكانىڭ باسىم بولىگىندە قالىپتى نورمادا، ال قازاقستاننىڭ باتىسىندا، وڭتۇستىك، وڭتۇستىك-شىعىس جانە شىعىس اۋماقتاردىڭ تاۋلى جانە تاۋ بوكتەرلى وڭىرلەرىندە نورمادان كوپ بولجانادى.
ءبىرىنشى ونكۇندىكتىڭ باسىندا ءسىبىر انتيسيكلونى قازاقستاننىڭ باسىم بولىگىندە ايازدى جانە جاۋىن-شاشىن از بولادى، ال رەسپۋبليكانىڭ باتىسىندا باتىس جانە وڭتۇستىك سيكلونداردىڭ ىقپالىمەن جاۋىن-شاشىن (جاڭبىر، قار)، جەلدىڭ 15-20 م/س دەيىن كۇشەيۋى، تۇمان جانە كوكتايعاق بولادى.
سودان كەيىن سيكلوننىڭ سولتۇستىك-شىعىس باعىتتا اۋىسۋىمەن رەسپۋبليكانىڭ قالعان اۋماعىندا دا جاۋىن-شاشىندى جانە جەلدى اۋا رايى بولجانۋدا.
اقپاننىڭ ءبىرىنشى ونكۇندىگىنىڭ ءبىرىنشى جارتىسىندا ەلىمىزدىڭ وڭتۇستىگى مەن باتىسىندا كۇندىز اۋا تەمپەراتۋراسى جوعارىلايدى.
ءبىرىنشى ونكۇندىكتىڭ ورتاسىندا ەلىمىزدىڭ سولتۇستىگىندە جانە ورتالىعىندا تۇندە -10-20°س-تان -5-13°س-قا دەيىن، كۇندىز -5-15°س-تان 0،-8°س-قا دەيىن ايازدىڭ السىرەۋى بولجانادى.
ونكۇندىكتىڭ سوڭىندا رەسپۋبليكانىڭ شىعىسىندا تەمپەراتۋرا فونى تۇندە -18-23°س-تان -12-17°س-قا دەيىن، سولتۇستىك-شىعىستا -28-33°س-تان -20°س-قا دەيىن، كۇندىز -10-15°س-تان -5-10°س-قا دەيىن جوعارىلايدى.
ەكىنشى جانە ءۇشىنشى ونكۇندىكتەردە اۋىسپالى باريكالىق تۇزىلىمدەرمەن اۋا رايىنىڭ تۇراقسىز سيپاتى كۇتىلەدى: جاۋىن-شاشىن (جاڭبىر، قار)، ەكپىندى جەل، ەلىمىزدىڭ سولتۇستىك-باتىس جارتىسى مەن باتىسىندا بۇرقاسىنمەن، وڭتۇستىگىندە جەكەلەگەن كۇندەرى شاڭدى داۋىل كۇتىلەدى.
جەكەلەگەن كۇندەرى شىعىس ءسىبىر اۋداندارىنان سۋىق انتيسيكلوننىڭ اسەرىنەن تەمپەراتۋرالىق فون تومەندەيدى دەپ كۇتىلەدى:
- باتىستا جانە سولتۇستىك-باتىستا تۇندە -12-22°س-قا دەيىن، كۇندىز -3-10°س-قا دەيىن؛
- سولتۇستىك جارتىسىندا تۇندە -20-35°س-قا دەيىن، كۇندىز -13-18°س-قا دەيىن؛
- وڭتۇستىك جارتىسىندا تۇندە -8-15°س-قا دەيىن، كۇندىز -5+3°س-قا دەيىن.
جەكەلەگەن كۇندەرى يران مەن ورتا ازيا اۋداندارىنان جىلى اۋا ماسسالارىنىڭ شىعارىلۋىنا بايلانىستى تەمپەراتۋرالىق فون جوعارىلايدى دەپ بولجانادى:
- باتىستا تۇندە -5+1°س-قا دەيىن، كۇندىز +2+8°س-قا دەيىن؛
- سولتۇستىك-باتىستا، سولتۇستىكتە، ورتالىقتا جانە شىعىستا تۇندە -3-15°س-قا دەيىن، كۇندىز -6+3°س-قا دەيىن؛
- وڭتۇستىكتە، وڭتۇستىك-شىعىستا جانە وڭتۇستىك-باتىستا تۇندە -5+5°س دەيىن، كۇندىز +5+12°س دەيىن.