ەلىمىزدە ەت تاعى دا قىمباتتادى

قازاقستان بويىنشا ەت باعاسى ەڭ قىمبات قالالار اتالدى

2022 جىلعى قاڭتار ايىنىڭ قورىتىندىسى بويىنشا، 1 كگ سۇيەكتى سيىر ەتىنىڭ ورتاشا بولشەك ساۋدا باعاسى قازاقستان بويىنشا 2236 تگ قۇرادى، 1 كگ قوي ەتى 2418 تگ دەيىن، ال 1 كگ جىلقى ەتى 2603 تگ دەيىن قىمباتتادى، دەپ حابارلايدى اlmaty-akshamy.kz energyprom.kz سىلتەمە جاساپ.

ق ر قالالارى اراسىندا ەت پەن قۇس ەتىنىڭ ەڭ جوعارى باعاسى الماتى مەن نۇر-سۇلتان قالالارىندا بەلگىلەندى. ەلوردادا سيىر ەتىنىڭ (2506 تگ)، قوي ەتىنىڭ (2987 تگ)، جىلقى ەتىنىڭ (3015 تگ) جانە تاۋىق ەتىنىڭ (1208 تگ) ەڭ جوعارى باعالارى تىركەلگەن.

الماتىدا سيىر ەتىنىڭ (2325 تگ)، قوي ەتىنىڭ (2920 تگ)، شوشقا ەتىنىڭ (2060 تگ) جانە جىلقى ەتىنىڭ (2939 تگ) ەڭ جوعارى باعاسى بەلگىلەنگەن. جالپى، 2021 جىلدىڭ قورىتىندىسى بويىنشا، ەت پەن قۇس ەتىنىڭ باعاسى 2020 جىلعى قاڭتار-جەلتوقسانمەن سالىستىرعاندا 8،6%-عا ءوستى.

ءبىر جىل بۇرىن سەكتورداعى باعانىڭ ءوسۋى 12،7%-دى قۇرادى. وتكەن جىلى ەت پەن قۇس ەتىنىڭ باعاسى ماڭعىستاۋ وبلىسىندا بىردەن 14%-عا ءوستى.

شىمكەنت پەن تۇركىستان وبلىسىندا دا ەلەۋلى ءوسىم بايقالدى – تيىسىنشە 11،8% جانە 11،3%.

الماتى مەن ەلوردادا ەت پەن قۇس ەتى تيىسىنشە 8%-عا جانە 8،2%-عا قىمباتتادى، ال باعانىڭ تومەن ءوسىمى قىزىلوردا (5،4%)، سولتۇستىك قازاقستان (5،6%) جانە قوستاناي (5،9%) وبلىستارىندا بايقالدى.