شۆەسيادا بيلىك باسىنداعىلار جاسوسپىرىمدەر اراسىندا زورلىق-زومبىلىق فاكتىلەرىنىڭ وسۋىنە بايلانىستى قىلمىستىق جاۋاپكەرشىلىك جاسىن 15-تەن 13-كە تۇسىرەدى، - دەپ حابارلايدى Aqshamnews.kz.
بۇل تۋرالى DW جازدى.
شۆەسيا پرەمەر-مينيسترى ۋلف كريستەرسسون اۋىر قىلمىستار ءۇشىن تاعايىندالاتىن قىلمىستىق جاۋاپكەرشىلىكتىڭ جاسىن 15-تەن 13 جاسقا دەيىن تومەندەتۋدى كوزدەيدى. ۇكىمەت قازان ايىندا ءتيىستى زاڭ جوباسىن ەنگىزدى.
– ستوكگولم بيلىگى قىلمىستىق توپتارمەن بايلانىستى ولىمگە اكەلەتىن قىلمىستاردىڭ وسۋىنە وسىلاي ارەكەت ەتىپ جاتىر. 15 جاسقا تولماعان ادامداردى قىلمىستىق جاۋاپكەرشىلىككە تارتۋعا بولمايتىندىقتان، تەرگەۋشىلەر قىلمىستىق جەلىلەردىڭ اتىس پەن قارۋ-جاراق ساتۋعا قاتىسۋ ءۇشىن بالالاردى كوبىرەك تارتاتىنىن انىقتادى، - دەپ جازادى باسىلىم.