الماتى قالاسىندا مەكتەپ جاسىنداعى بالالار اراسىندا دۇرىس تاماقتانۋ مادەنيەتىن قالىپتاستىرۋ جانە سالاۋاتتى ءومىر سالتىن ناسيحاتتاۋعا ارنالعان فورۋمى ۇيىمداستىرىلدى.
«بالام – ەڭ باستى جوبام» اتتى فورۋمعا اتا-انالار، مۇعالىمدەر، دارىگەرلەر، نۋتريسيولوگتار جانە سالا ماماندارى قاتىستى، - دەپ حابارلايدى Aqshamnews.kz.
فورۋمدى فاو-نىڭ قازاقستانداعى سالاۋاتتى تاماقتانۋ جونىندەگى جوباسىنىڭ مەنەدجەرى راۋان ەرۇلان اشتى. ول بالالاردىڭ جاستايىنان دۇرىس تاماقتانۋ ادەتتەرى مەن مادەنيەتىن قالىپتاستىرۋدىڭ ماڭىزىنا كوبىرەك توقتالدى.
«سالاۋاتتى تاماقتانۋ داعدىلارىن ەرتە جاستان قالىپتاستىرۋ بولاشاققا سالىنعان ينۆەستيسيا. بالالار تاماقتىڭ ولاردىڭ كوڭىل كۇيىنە، دەنساۋلىعىنا جانە وقۋ ۇلگەرىمىنە تىكەلەي اسەر ەتەتىنىن تۇسىنگەندە، ءوز راسيونىنا سانالى تۇردە ءمان بەرىپ، پايدالى تاڭداۋ جاساۋدى ۇيرەنەدى»، — دەدى راۋان ەرۇلان.
مامانداردىڭ ايتۋىنشا، بالانىڭ تولىققاندى دامۋى ءۇشىن 8–10 ساعاتتىق ساپالى ۇيقى، تۇراقتى دەنە بەلسەندىلىگى جانە قۇرامىندا قاجەتتى قورەكتىك زاتتارى بار پايدالى تاعام اسا ماڭىزدى. ايتا كەتەيىك، بالا بولاشاعىنا ارنالعان شاراعا الماتى مەكتەپتەرىنەن 100-دەن استام اتا-اناسى قاتىستى. شارانىڭ نەگىزگى ماقساتى قۇنارلى ءارى تەڭگەرىمدى تاماقتانۋدىڭ ماڭىزدىلىعىن ناسيحاتتاۋ.
فورۋم بارىسىندا ساراپشىلار قازاقستاننىڭ ورتالىق ازيا ەلدەرى اراسىندا بالالار سەمىزدىگى بويىنشا جوعارى كورسەتكىشتەردىڭ بىرىنە يە ەكەنىنە نازار اۋداردى. مامانداردىڭ پىكىرىنشە، مۇنىڭ نەگىزگى سەبەپتەرىنىڭ ءبىرى، اسىرەسە12 جاستان اسقان جاسوسپىرىمدەر اراسىندا ءتاتتى گازدى سۋسىنداردى شامادان تىس تۇتىنىلۋى. سونىمەن قاتار، كوپتەگەن بالالاردىڭ كۇندەلىكتى راسيونىندا ماڭىزدى قورەكتىك زاتتاردىڭ تاپشىلىعى بايقالادى. قازاقستاننىڭ اگروازىق-تۇلىك جۇيەسىن تۇراقتى دامىتۋدا ىلگەرىلەۋ بار بولعانىمەن، قوعامدىق دەنساۋلىق پەن تاماقتانۋ سالاسىنداعى ماسەلەلەر وزەكتى كۇيىندە قالىپ وتىر.
بۇل ماسەلەلەردى شەشۋ ءۇشىن فاو «سالاۋاتتى تاماقتانۋدى دامىتۋ جانە اۋقىمىن كەڭەيتۋگە ۇلەس قوسۋ» اتتى پيلوتتىق جوباسىن ىسكە اسىرۋدا. جوبا اياسىندا قازاقستان ۇكىمەتىنە تەحنيكالىق قولداۋ كورسەتىلىپ، مەكتەپ تاماقتانۋىنىڭ جاڭارتىلعان ستاندارتتارى ەنگىزىلۋدە، الەۋمەتتىك زەرتتەۋلەر جۇرگىزىلىپ، وقۋ ورىندارىندا پيلوتتىق باعدارلامالار ىسكە اسىرىلۋدا.