سەمەي گارنيزونى اسكەري سوتىندا وزىنە سەنىپ تاپسىرىلعان بوتەن مۇلكىن يەلەنۋ فاكتىسى بويىنشا ايىپتالعان اسكەري قىزمەتكەرگە قاتىستى قىلمىستىق كودەكستىڭ 189-بابىنىڭ 3 بولىگى 2 تارماعى بويىنشا قىلمىستىق ءىس قارالدى، دەپ حابارلايدى اlmaty-akshamy.kz.
"سوتتا ايىپتالۋشى شتابتىڭ توپوگرافيالىق قىزمەتىنىڭ باستىعى بولا تۇرا، ءوزىنىڭ قىزمەتتىك بابىن پايدالانىپ، بۋكمەكەرلىك سايتتا ءباس تىگىپ ۇتىلىپ، جەكە باسىنداعى قارىزداردىڭ كوبەيۋىنە بايلانىستى پايداكۇنەمدىك ماقساتتا اسكەري بولىمگە تيەسىلى توپوگرافيالىق قۇرىلعىلاردى لومباردقا وتكىزگەن. تەكسەرىس قورىتىندىسى بويىنشا مەملەكەتكە 2 ملن تەڭگەدەن استام زالال كەلتىرىلگەن"،- دەلىنگەن سوت حابارلاماسىندا.
سوت ۇكىمىمەن ايىپتالۋشى قىلمىستىق كودەكستىڭ 189-بابى 3 بولىگىنىڭ 2-تارماعىمەن كىنالى دەپ تانىلىپ، وعان 2 جىل 6 اي مەرزىمگە باس بوستاندىعىنان ايىرۋ تۇرىندەگى جازا تاعايىندالدى.
قىلىمىستىق كودەكستىڭ 49-بابى، 1-بولىگىنە سايكەس "كاپيتان" اسكەري اتاعىنان ايىرىلدى. سونداي-اق سوتتالعاننان مەملەكەت پايداسىنا ماتەريالدىق شىعىن مەن مەملەكەتتىك باج سالىعى وندىرىلگەن. ۇكىم زاڭدى كۇشىنە ەنگەن جوق.