وزبەكستاننىڭ نامانگان وبلىسىندا ۇلى ويشىل، عۇلاما عالىم ءابۋ ناسىر ءال-فارابيدىڭ كىتابى تابىلدى، دەپ حابارلايدى اlmaty-akshamy.kz.
وبلىس اكىمدىگىنىڭ حابارلاۋىنشا، وندا تابىلعان كىتاپتان بولەك XI–XIV عاسىرعا ءتان كونە قىلىشتار دا بار.
«سيرەك كەزدەسەتىن ءۇش كىتاپتا عىلىم، فيلوسوفيا جانە تاريحقا قاتىستى بىرەگەي ءبىلىم جازىلعان» دەلىنگەن حابارلامادا.
حاباردا ايتىلعانداي، احسيكەنت ارحەولوگيالىق ساياباعىنىڭ قۇرامىنداعى جاڭا احسي كەشەنىندەگى باعا جەتپەس جادىگەرلەر سانى ونعا كوبەيىپ، كوللەكسيا 475-600 جىلدارعا تانە باكتريا مونەتاسى مەن XIX عاسىردا مورلەنگەن جۇڭگو مونەتاسىمەن تولىققان.
«ماماندار XI عاسىرعا تيەسىلى دەپ باعالاعان قىلىش ۇرىس جاعدايىندا ساقتالعان. ونى اكسيكەنتتىڭ ۇستالارى قاتتى بولاتتان جاساعان. الەمدىك بولات ورتالىعى رەتىندە تانىلعان اكسيكەنت جۇمساق جانە قاتتى بولاتپەن تانىمال. ونىڭ قالاي جاسالاتىنى ءالى كۇنگە دەيىن جۇمباق. ەكىنشى قارۋ XIV عاسىرعا جاتادى جانە ونى ءامىر تەمىردىڭ ارنايى ساربازدارى قولدانعان»، - دەيدى ۆەدومستۆودان.
