الماتى وبلىسىندا شارۋالارعا بەرىلگەن 4،8 ميلليارد تەڭگەنىڭ ۇرلانعانى انىقتالدى، دەپ حابارلايدى اlmaty-akshamy.kz.
پروكۋراتۋرانىڭ قاداعالاۋ اكتىسى بويىنشا شىعىندى وتەۋ پروسەسى باستالىپ، بيۋدجەتكە 110 ملن تەڭگە قايتارىلدى.
الماتى وبلىسىنىڭ پروكۋراتۋراسى تاراتقان حابارلامادا اۋىلدارداعى الەۋمەتتىك-وندىرىستىك كووپەراتيۆتەر اسىل تۇقىمدى جانۋارلاردى الۋ ماقساتىندا سەلەكسيالىق جۇمىستارعا ارنالعان 1،2 ملرد تەڭگە سۋبسيديانى ۇرلاعانى ايتىلادى.
ءىس جۇزىندە بۇل جۇمىستار ورىندالماي، قۇجاتتار رەسمي تۇردە رەسىمدەلىپ، وبلىستا اسىل تۇقىمدى مال سانى ۇلعايتىلماعان. وبلىس اكىمدىگىنىڭ ەسەپتىك دەرەكتەرى بويىنشا، اسىل تۇقىمدى مال شارۋاشىلىعىن دامىتۋ بويىنشا بەلسەندى جۇمىس جۇرگىزىلىپ جاتىر. قاعاز جۇزىندە اسىل تۇقىمدى قوي باسى 4 جىلدا 1،9 ميلليونعا دەيىن ۇلعايتىلعانى تۋرالى دەرەك جالعان بولىپ شىعىپ، شىن مانىندە نەبارى 367 مىڭ باس ەكەنى بەلگىلى بولدى، – دەلىنگەن حابارلامادا.
الماتى وبلىسى ۇيعىر اۋدانىندا تىركەلگەن جانۋارلار جوق بولسا دا، 2023 جىلى سەلەكسيالىق جۇمىستاردى جۇرگىزگەنى ءۇشىن 45،2 ملن تەڭگە سوماسىنا سۋبسيديا العان. سۋبسيديا العان كەزدە بۇل كووپەراتيۆ ءوزىنىڭ جەكە شارۋاشىلىعى رەتىندە ۇيعىر اۋدانىنىڭ تۇرعىندارىنا تيەسىلى اۋىلشارۋاشىلىق جانۋارلارىن تىركەگەن.
ءقازىر سوتقا دەيىنگى تەرگەۋ امالدارى جۇرگىزىلىپ جاتىر.