قتج بارلىق تۇتىنۋشىلارىنا كومىردى تۇراقتى جەتكىزۋدە

2024-2025 جىلدارعى جىلىتۋ ماۋسىمى كەزەڭىندە (مامىردان قاراشاعا دەيىن) قتج قازاقستان بويىنشا 36،8 ملن توننا كومىر جەتكىزدى.

ونىڭ ىشىندە ەلىمىزدىڭ جەو ءۇشىن 32،5 ملن توننادان استام كومىر تاسىمالداندى، دەپ حابارلايدى aqshamnews.kz Rail-news.kz- كە سىلتەمە جاساپ. 

كوممۋنالدىق-تۇرمىستىق سەكتور ءۇشىن 4،3 ملن توننادان استام جونەلتىلدى. كومىر تاسىمالداۋعا 20 مىڭعا جۋىق ۆاگون تارتىلعان.

رەسپۋبليكانىڭ بارلىق جەو — دا نورماتيۆتىك كورسەتكىشتەردەن اساتىن كومىر قورلارى جيناقتالعان-5،5 ملن توننادان استام، بۇل وتكەن جىلمەن سالىستىرعاندا 4% ارتىق. كومىر تۇيىقتارىندا 600 مىڭ توننا كومىر بار.

قتج-دا كومىر تاسىمالداۋدى ۇيلەستىرۋ ءۇشىن تاۋلىك بويى جۇمىس ىستەيتىن شتاب بار. كۇن سايىن ق ر ونەركاسىپ جانە قۇرىلىس مينيسترلىگى وكىلدەرىمەن كەڭەستەر وتكىزىلەدى. قتج جۇك جونەلتۋشىلەرىنىڭ بارلىق وتىنىمدەرىن 100% ورىنداۋدا، كولەمدەر اكەتىلىپ، كومىر تيەۋگە ارنالعان بوس جارتىلاي ۆاگونداردىڭ قورلارى 3-4 تاۋلىككە قول جەتىمدى.

كومپانيا بارلىق تۇتىنۋشىلار ءۇشىن كومىردىڭ تۇراقتى جەتكىزىلۋىن قامتاماسىز ەتۋدى جالعاستىرۋدا جانە كومىر وپەراتورلارى مەن جۇك جونەلتۋشىلەردى، اسىرەسە كۇزگى-قىسقى كەزەڭدە، تاسىمالداۋعا تەزىرەك  ءوتىنىم بەرۋگە شاقىرادى.