الماتىدا 17 قاراشا – حالىقارالىق ستۋدەنتتەر كۇنىنە وراي الماتى قالاسى جاستار ساياساتى باسقارماسىنىڭ قولداۋىمەن ALMATY STUDENT WEEK اپتالىعى اياسىندا «ەڭ ۇزدىك ستۋدەنتتىك توپ - 2024» بايقاۋىنىڭ فينالدىق كەزەڭى ءوتتى.
بايقاۋ الماتىداعى جوو جانە كوللەدج ستۋدەنتتەرىنىڭ باسىن ءبىر ورتاعا بىرىكتىردى. بايقاۋعا قاتىسۋ ءۇشىن 30-دان اسا ءوتىنىم كەلىپ ءتۇستى. سايىسقا جالپى الماتىنىڭ 300-دەن استام ستۋدەنت جاستارى قاتىسۋعا نيەت ءبىلدىردى.
بايقاۋ شارتى بويىنشا العاشقى كەزەڭدە ستۋدەنتتىك توپتار پورتفوليو جيناپ، توپ جەتىستىكتەرى مەن ساباق ۇلگەرىمدەرى بويىنشا باعالاندى. فينالدىق كەزەڭدە ستۋدەنتتىك توپتار ءوز وقۋ ورنى مەن ماماندىقتارىن تانىستىرىپ، الەۋمەتتىك جوبالارىن قورعادى. فينالدىق كەزەڭگە ۇزدىك دەپ تانىلعان 17 توپ قاتىستى.
بايقاۋ قورىتىنداسى بويىنشا الماتى مەملەكەتتىك بيزنەس كوللەدجىنىڭ «BusinessLAB» ستۋدەنتتىك توبى قالانىڭ «ەڭ ۇزدىك ستۋدەنتتىك توبى» بولىپ تانىلدى. ال II ورىندى قازاق ۇلتىق اگرارلىق ۋنيۆەرسيتەتىنىڭ «DreamTeams» ستۋدەنتتىك توبى، III ورىندى قازاق ۇلتتىق قىزدار پەداگوگيكالىق ۋنيۆەرسيتەتىنىڭ «Histrue» ستۋدەنتتىك توبى يەلەندى. جەڭىمپازدار ديپلومدار مەن اقشالاي سەرتيفيكاتتارمەن ماراپاتتالدى.
الماتى قالاسى جاستاردى الەۋمەتتەندىرۋ جانە جاستار باستامالارىن قولداۋ ءبولىمىنىڭ باسشىسى بەكقايىروۆ نۇرسۇلتان بولات ۇلى «ەڭ ۇزدىك ستۋدەنتتىك توپ» بايقاۋىنىڭ دەڭگەيىنىڭ ءوسىپ جاتقانىن ايتىپ، بارشا قاتىسۋشىلار مەن كەش قوناقتارىنا ءوز العىسىن ءبىلدىردى
«قۇرمەتتى، جاستار! سىزدەردى حالىقارالىق ستۋدەنتتەر كۇنىمەن شىن جۇرەكتەن قۇتتىقتايمىز! الماتى قالاسىندا وتكىزىپ جاتقان ستۋدەنتتىك كەزدەرىڭىز ءاردايىم ەستەرىڭىزدە قالاتىنداي قىزىقتى ءارى پايدالى، ساپالى بولۋىنا جاستار ساياساتى باسقارماسى جۇمىس جاساپ جاتىرمىز. حالىقارالىق ستۋدەنتتەر كۇنىنە ارنالعان «Almaty student`s week» اپتالىعى اياسىندا ۇيىمداستىرىلعان «ەڭ ۇزدىك ستۋدەنتتىك توپ» جوباسى ەڭ ۇلكەن شارالاردىڭ ءبىرى. بۇگىنگى ءىس-شارادا جەڭىسكە جەتكەن بارلىق توپتاردى شىن جۇرەكتەن قۇتتىقتايمىز!»
ەكىنشى جىل قاتارىنان وتكىزىلىپ جاتقان بۇل ءداستۇرلى شارا قالامىزدىڭ تالانتتى جانە ءبىلىمدى ستۋدەنت جاستارىن انىقتاۋعا ۇلكەن مۇمكىندىك بەرۋدە. ۇيىمداستىرۋشىلاردىڭ ايتۋى بويىنشا، بۇل سايىس كەلەسى جىلى دا جالعاسىن تاپپاق.