ەلوردادا جۇڭگو مەن تۇرىكمەنستاننان حالىق تۇتىناتىن تاۋارلاردى نارىقتىق باعادان تومەن باعامەن جەتكىزۋگە ۋادە بەرگەن كۇدىكتى قىلمىستىق ارەكەتكە جول بەرگەن. بۇل تۋرالى قالالىق پروكۋراتۋرا ءمالىم ەتتى، دەپ حابارلايدى aqshamnews.kz.
كۇدىكتى ازاماتتاردى الداۋ ماقساتىندا WhatsApp مەسسەندجەرىندە ارنايى توپتار اشىپ، تاۋارلاردى نارىقتىق قۇنىنان ارزان باعامەن ۇسىنعان. ول ءوز ارەكەتىن تۇرعىندارعا جۇڭگو مەن تۇرىكمەنستاننان تاۋار جەتكىزۋ ارقىلى جۇزەگە اسىراتىنىن ايتىپ، ولاردى سەندىرۋگە تىرىسقان.
وسىلايشا، 30 ادامنان 3 ميلليون تەڭگەدەن استام قارجى جيناپ، الاياق الىنعان اقشانى ءوز قاجەتىنە جۇمساعان. جابىرلەنۋشىلەردىڭ اقشاسى ءۇشىن تاۋار جەتكىزىلۋى ءتيىس ەدى، ءبىراق تاۋارلار ەشقاشان كەلمەگەن.
سوتتا كۇدىكتى ءوزىنىڭ قىلمىستىق ارەكەتتەرىن جاسىرىپ، جابىرلەنۋشىلەرمەن ازاماتتىق-قۇقىقتىق قاتىناستا بولعانىن، ياعني تاۋار جەتكىزۋدى جوسپارلاماعانىن مالىمدەگەن. ءبىراق مەملەكەتتىك ايىپتاۋشى سوتتا ونىڭ باستاپقىدا تاۋار جەتكىزۋگە ەشقانداي نيەتى بولماعانىن جانە ازاماتتاردى الداۋ ماقساتىندا ارەكەت ەتكەنىن دالەلدەدى.
سوت ناتيجەسىندە كۇدىكتى 3 جىلعا باس بوستاندىعىنان ايىرىلدى. سونىمەن قاتار، وعان كەلتىرىلگەن ماتەريالدىق شىعىن جابىرلەنۋشىلەردىڭ پايداسىنا قايتارىلدى.
استانا قالاسىنىڭ پروكۋراتۋراسى تۇرعىندارعا مەسسەندجەرلەردە تومەن باعامەن تاۋارلاردى تىكەلەي جەتكىزۋگە ۋادە بەرەتىن كۇماندى مامىلەلەردەن ساق بولۋدى ەسكەرتەدى. مۇنداي الاياقتىق ارەكەتتەردىڭ قۇربانى بولماس ءۇشىن ازاماتتار ساق بولىپ، تەك رەسمي جانە سەنىمدى كوزدەردەن عانا تاۋار ساتىپ الۋعا كەڭەس بەرەدى.