الماتىدا «اۆتوبۋس» جەدەل الدىن الۋ شاراسى ءجۇرىپ جاتىر، دەپ حابارلايدى almaty-akshamy.kz.
الماتى قالالىق پوليسيا دەپارتامەنتىنىڭ مالىمەتىنشە، 4-13 قازان ارالىعىندا 184 پاترۋلدىك ەكيپاج جانە 911 پوليسيا قىزمەتكەرى جولاۋشىلار كولىگىن تەكسەرەتىن بولادى.
«بۇل شارا جولاۋشىلار تاسىمالدايتىن قوعامدىق كولىك جۇرگىزۋشىلەرىنىڭ جول قوزعالىسى ەرەجەلەرىن بۇزۋىن انىقتاۋ مەن جولىن كەسۋگە، سونداي-اق اۆتوبۋستاردىڭ تەحنيكالىق جاعدايىن تەكسەرۋگە باعىتتالعان. جۇرگىزۋشىلەردىڭ كولىكتىك ءتارتىبىن جاقسارتۋ، تەحنيكالىق اقاۋى بار نەمەسە قايتا جابدىقتالعان جولاۋشىلار كولىگىنىڭ قولدانىستا ءجۇرۋ فاكتىلەرىن انىقتاۋ جانە زاڭسىز جولاۋشىلار تاسىمالىنىڭ جولىن كەسۋ»، - دەيدى جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.
ءىس-شارانىڭ ءبىرىنشى كۇنىندە 46 اكىمشىلىك قۇقىق بۇزۋشىلىق انىقتالدى: 29 جۇرگىزۋشى مانيەۆر جاساۋ ەرەجەلەرىن بۇزسا (ق ر اقبك-نىڭ 595-بابى)، 12ء-سى كولىك جۇرگىزۋ كەزىندە تەلەفون پايدالانعان (ق ر اقبك-نىڭ 591-بابى). مامانداندىرىلعان ايىپ تۇراعىنا 1 قوعامدىق كولىك قويىلدى. رۇقسات ەتىلمەگەن 6 قوعامدىق كولىك پەن تاكسي ايالداماسى جويىلدى.
«جولاۋشىلار كولىگىندەگى جازاتايىم وقيعالاردىڭ تالداۋى كورسەتكەندەي، جول-كولىك وقيعالارىنىڭ نەگىزگى سەبەپتەرى جۇرگىزۋشىلەردىڭ جول قوزعالىسى ەرەجەلەرىنىڭ تالاپتارىن ساقتاماۋى، اتاپ ايتقاندا، بەلگىلەنگەن جىلدامدىقتى اسىرۋى، قارسى جولاققا شىعۋى جانە قاشىقتىقتى ساقتاماۋى»، - دەيدى پوليسيا وكىلى.