بيىلعى قاڭتار مەن شىلدە ارالىعىندا قازاقستان 1،8 مىڭ توننا ءسابىز ەكسپورتتاعان، بۇل كورسەتكىش بىلتىرعا قاراعاندا 3 ەسە كوپ. سونداي-اق سارىمساق ەكسپورتى 60،5%-عا، باۋ-باقشا داقىلى ەكسپورتى 42،3%-عا، قىرىققابات ەكسپورتى 31،3%-عا، پياز ەكسپورتى 26،2%-عا ءوستى، دەپ حابارلايدى almaty-akshamy.kz Elorda.info-عا سىلتەمە جاساپ.
ال كەيبىر كوكونىس تۇرلەرىنىڭ ەكسپورتى، كەرىسىنشە، قىسقارعان. ماسەلەن، بۇرىش ەكسپورتى 78،4%-عا (177،3 مىڭ توننا)، قيار ەكسپورتى 59،4%-عا (2،4 مىڭ توننا)، كارتوپ ەكسپورتى 53،3%-عا (71،6 مىڭ توننا)، بايالدى ەكسپورتى 39،7%-عا (104،9 توننا)، قىزاناق ەكسپورتى 36،8%-عا (13،1 مىڭ توننا)، قىزىلشا ەكسپورتى 17،4%-عا (260،8 توننا) ازايدى.
كوكونىس يمپورتىنا كەلسەك، جىل باسىنان بەرى ەلىمىزگە 27 مىڭ توننا باۋ-باقشا ءونىمى اكەلىندى، بۇل بىلتىرعى قاڭتار مەن شىلدە ارالىعىنداعى كولەمنەن 12،8 ەسە كوپ. كارتوپ يمپورتى 2،5 ەسە (53،6 مىڭ توننا)، ءسابىز يمپورتى 83،3%-عا (34،4 مىڭ توننا)، قىرىقابات يمپورتى 41،6%-عا (63،8 مىڭ توننا)، پياز يمپورتى 34،4%-عا (212،2 مىڭ توننا)، بايالدى يمپورتى 25،9%-عا (2،2 مىڭ توننا) كوبەيدى.
ال بۇرىش يمپورتى 25،2%-عا (9،1 مىڭ توننا)، سارىمساق يمپورتى 24،7%-عا (2،1 مىڭ توننا)، قىزاناق يمپورتى 20،3%-عا (36،2 مىڭ توننا)، قىزىلشا يمپورتى 19،5%-،ا (8،6 مىڭ توننا)، قيار يمپورتى 13،8%-عا (4،5 مىڭ توننا) تومەندەدى.
بيىلعى تامىز قورىتىندىسى بويىنشا، ەلىمىزدە كوكونىس باعاسى 9،7%-عا تومەندەدى. ال بىلتىرعى سايكەس كەزەڭمەن سالىستىرعاندا 30،2%-عا ارتقان.