ءال-فارابي اتىنداعى قازۇۋ-دىڭ بيوتەحنولوگيا كافەدراسىندا ءبىلىم الاتىن «بيوينجەنەريا» ماماندىعىنىڭ ستۋدەنتتەرى قىتايدا وتكەن The 2025 China Belt and Road International Undergraduate Medical Innovation Competition اتتى حالىقارالىق بايقاۋعا قاتىسىپ، ەكى بىردەي التىن مەدالدى جەڭىپ الدى، دەپ حابارلايدى اqshamnews.kz ءتىلشىسى.
بۇل بەدەلدى جارىسقا الەمنىڭ 20 ەلىنەن 4000-نان استام ستۋدەنت قاتىسىپ، ۇزدىك عىلىمي جوبالارىن ۇسىندى. قازۇۋ اتىنان عىلىمي بايقاۋعا ەكى كوماندا قاتىستى.
ءبىرىنشى توپ قۇرامىندا كوماندا كاپيتانى تەمىرحان قازانباسوۆ، سونداي-اق ستۋدەنتتەر چۋتين تاو، شۋي سزي، ميرا داۋلەت جانە امينا داۆلەچاروۆا بولدى. كومانداعا جەتەكشىلىك ەتكەن – بيولوگيا عىلىمدارىنىڭ كانديداتى، قاۋىمداستىرىلعان پروفەسسور ايدا قىستاۋبايەۆا جانە جۇڭگو حالىق رەسپۋبليكاسىنان شاقىرىلعان مامان – ۆەنيا حوۋ.
ەكىنشى كوماندانىڭ مۇشەلەرى – ياوحۋەي پەن، حاو چەن، تيمۋر كەرىموۆ جانە گۇلسايا اسقار بولدى. كوماندانى داميرا ەلتوكوۆا باسقارىپ، بيوتەحنولوگيا كافەدراسىنىڭ اعا وقىتۋشىسى، PhD دينا شوقاتايەۆا عىلىمي جەتەكشىلىك ەتتى.
قازۇۋ كوماندالارى بايقاۋ بارىسىندا وزدەرىنىڭ تەرەڭ ءبىلىمىن، شىعارماشىلىق قابىلەتىن جانە كاسىبي دايىندىقتارىن جوعارى دەڭگەيدە كورسەتتى. بۇل جەڭىس – ستۋدەنتتەردىڭ تاباندىلىعى مەن ەڭبەگىنىڭ، سونداي-اق ۇيلەسىمدى كوماندالىق جۇمىستىڭ ايقىن ناتيجەسى. ولار تەك بىلىمدەرىن عانا ەمەس، وزدەرىنىڭ بىرەگەي يدەيالارىن ۇسىنىپ، حالىقارالىق دەڭگەيدە وزىق جوبالار قاتارىنان كورىنە ءبىلدى.
ءال-فارابي اتىنداعى قازۇۋ-دىڭ باسپا ءسوز قىزمەتى