الماتىدا قۇرىلىسشىلار كۇنىنە وراي قۇرىلىس سالاسىنىڭ قىزمەتكەرلەرىنە مەملەكەتتىك ناگرادالار تابىستالدى. مەملەكەت باسشىسىنىڭ اتىنان ماراپاتتاردى الماتى قالاسى اكىمىنىڭ ورىنباسارى بەيبىت شاحانوۆ سالتاناتتى تۇردە تاپسىردى.
قازاقستان رەسپۋبليكاسى پرەزيدەنتىنىڭ 2025 جىلى 6 تامىزداعى №953 جارلىعىمەن «قۇرمەت» وردەنى «رەنەسسانس كونستراكشن ستروي» كومپانياسىنىڭ 5-رازريادتى ارماتۋرشىسى جاراس جۇماعۇلوۆ پەن «سپ NEFT» مەكەمەسىنىڭ ديرەكتورى نۇرلان قادىربەكوۆكە بەرىلدى.
«ەڭبەك داڭقى» وردەنىنىڭ III دارەجەسى «AK Construction Company» مەكەمەسىنىڭ تاس قالاۋشىلار بريگاداسىنىڭ تاس قالاۋشىسى جەتپىسباي ناقىسبەكوۆكە تابىس ەتىلدى.
«ەرەن ەڭبەگى ءۇشىن» مەدالىمەن «Global Construction kz» كومپانياسىنىڭ دانەكەرلەۋشىسى ماقسات ايعاناتوۆ؛ «الماتىباسجوسپار» سەرىكتەستىگىنىڭ قالا قۇرىلىسى جوبالاۋ ءبولىمىنىڭ باس جوبالاۋشىسى ارمەن اتانەسيان؛ «Allians & Arena» كومپانياسىنىڭ تەحنيكالىق قاداعالاۋ ينجەنەرى دانيار احمەتوۆ؛ «BI Urban Construction» كومپانياسىنىڭ تەحنيكالىق مەنەدجەرى عابيت داۋلەتبەكوۆ؛ «ديال-ستروي» مەكەمەسىنىڭ باس ديزاينەرى اسەم قاستەيەۆا؛ «KazSMU» سەرىكتەستىگىنىڭ بەتونشىسى ادىلەت قاتاربايەۆ؛ «كازسترويپودرياد» كومپانياسىنىڭ قۇرىلىس ۋچاسكەسىنىڭ باستىعى جارىلقاسىن مولداشيەۆ ماراپاتتالدى.
بەيبىت شاحانوۆ الماتىنىڭ دامۋى قۇرىلىسشىلاردىڭ قاجىرلى ەڭبەگىنسىز مۇمكىن ەمەستىگىن اتاپ ءوتىپ، سالاعا قوسقان ەلەۋلى ۇلەسى ءۇشىن ماراپات يەلەرىنە العىس ءبىلدىردى.