قازاقستاننىڭ تاۋلى ايماقتارىندا قار جامىلعىسىنىڭ جينالۋى جالعاسىپ، كەي جەرلەردە قار كوشكىنىنىڭ وزدىگىنەن ءجۇرۋ ءقاۋپى ساقتالىپ وتىر، دەپ حابارلايدى Aqshamnews.kz ءتىلشىسى.
توتەنشە جاعدايلار مينيسترلىگىنىڭ مالىمەتىنشە، تۇراقسىز اۋا رايىنا بايلانىستى ەلدىڭ وڭتۇستىگى، وڭتۇستىك-شىعىسى جانە شىعىس قازاقستان وبلىسىنىڭ بيىك تاۋلى اۋداندارىندا كوشكىن ءقاۋپى جوعارى. ماماندار تىك، قار باسقان بەتكەيلەرگە شىعۋعا بولمايتىنىن ەسكەرتەدى.
جىل باسىنان بەرى ەلىمىزدىڭ تاۋلى ايماقتارىندا ءتورت وزدىگىنەن قار كوشكىنى تىركەلگەن. قاۋىپسىزدىكتى قامتاماسىز ەتۋ ماقساتىندا الماتى قالاسى مەن الماتى جانە شىعىس قازاقستان وبلىستارىندا جالپى كولەمى 4 200 تەكشە مەتردەن اساتىن 17 پروفيلاكتيكالىق كوشكىن ءتۇسىرۋ جۇمىسى جۇرگىزىلگەن.
تجم وكىلدەرى ازاماتتاردى كوشكىن ءقاۋپى جاريالانعان كەزدە تاۋعا بارماۋعا، اۋا رايى بولجامىن الدىن الا تەكسەرۋگە جانە بەلگىلەنگەن سوقپاقتارمەن عانا جۇرۋگە شاقىرادى. قار مول تۇسكەن جاعدايدا تاۋعا شىعۋدى ەكى-ۇش كۇنگە كەيىنگە قالدىرۋ ۇسىنىلادى.